Sher, Greys Jons va Jenni Moncler yangi kampaniyasining qahramonlariga aylandi
Uch avlod yulduzlari brend arxivlarini yangicha talqin qilgan Re/Icons kolleksiyasini taqdim etdi.
Moncler o‘ziga xoslik va mustaqil yo‘l tanlash jasoratiga bag‘ishlangan kampaniyada Sher, Greys Jons va Jennini birlashtirdi. Ular turli musiqiy davrlarni ifodalaydi, biroq har biri shaxsiy uslubini ijodining ajralmas qismiga aylantirgan.
Kampaniya suratlari va filmini Gabriel Mouzes yaratdi. Vizual hikoya Moncler tarixining dastlabki bosqichida muhim o‘rin tutgan alpinist Lionel Terrayning arxiv fotosuratlariga murojaat qiladi. Tog‘lar uchun yaratilgan kiyimlar zamonaviy pop-madaniyat vakilalari obrazlarida yangi mazmun kasb etadi.
Sher Himalaya kurtkasida, Jenni Karakorum modelida, Greys Jons esa to‘q binafsharang obrazda namoyon bo‘ladi. Har bir qahramon brendning tanish siluetlariga o‘ziga xos xarakter bag‘ishlaydi.
Re/Icons asosini Moncler merosi bilan bog‘liq ustki kiyimlar tashkil etadi. Himalaya, Karakorum va Verone kurtkalari hamda Tibb nimchasi zamonaviy talqinda taqdim etilgan. Kampaniya markazida esa bu liboslarni bugun qanday kiyish va qabul qilishni belgilaydigan shaxsiyat turadi.