Aldo Coppola Tashkent premium salonining ochilishi

Toshkent go‘zallik va yuqori darajadagi xizmat ko‘rsatish zamonaviy madaniyatning ajralmas qismiga aylanayotgan shahar maqomini mustahkamlashda davom etmoqda. 24-may kuni poytaxt rasman yana bir manzil bilan boyidi – Aldo Coppola premium italyan go‘zallik saloni o‘z eshiklarini ochdi.

Aldo Coppola – yuqori sartaroshlik san’ati, shaxsiy parvarish va noyob xizmatning sinonimiga aylangan nom. Milanda afsonaviy usta Aldo Coppola tomonidan asos solingan brend italyan go‘zallik sanoatining eng yaxshi an’analarini, eksklyuziv mualliflik uslublarini va o‘ziga g‘amxo‘rlik bilan uyg‘unlashgan tabiiy go‘zallik falsafasini mujassam etgan. Bugungi kunda Aldo Coppola salonlari butun dunyo bo‘ylab, jumladan Milan, Rim, Doha, Dubay, Moskva va endi Toshkentda ham faoliyat yuritmoqda.

suratni Aldo Coppola Tashkent matbuot xizmati taqdim etgan

Toshkentdagi ochilish marosimi haqiqiy ijtimoiy hodisaga aylandi. Ushbu oqshom yangi maskanda poytaxtning eng go‘zal va zamonaviy insonlari, blogerlar va go‘zallik sohasidagi mutaxassislar to‘plandi. Kecha muhiti mutlaqo italyancha hashamat ruhida – yengil, nafis va tafsilotlarga e’tibor bilan yo‘g‘rilgan edi.

Aldo Coppola Tashkent kompaniyasi egasi Mariana Xalimova va ushbu muhim lahzani shaxsan baham ko‘rish uchun tashrif buyurgan Aldo Koppolaning nabirasi Federika Koppola tantanali nutq so‘zladilar. Ularning har bir Aldo Coppola salonining go‘zalligi, mijozga bo‘lgan hurmati va o‘ziga xos muhiti haqidagi samimiy so‘zlari butun kechaga ohang baxsh etdi.

suratni Aldo Coppola Tashkent matbuot xizmati taqdim etgan

Rasmiy qismdan so‘ng mehmonlarga salon bo‘ylab sayohat taklif etildi. Keng, yorug‘ zallar, nafis jihozlar, italyancha minimalizmga xos uslub va mualliflik yechimlari – bularning barchasi Aldo Coppola butun dunyoga mashhur bo‘lgan tafsilotlarga e’tibor bilan yaratilgan. Mehmonlar sartaroshxona xizmat ko‘rsatish hududlari, kosmetolog xonasi, SPA-zonalar, tirnoq parvarishi maskani va qulay soch olish zali bilan tanishdilar.

suratni Aldo Coppola Tashkent matbuot xizmati taqdim etgan

Salon ustalari – Milanda, afsonaviy Aldo Coppola Akademiyasida ta’lim olgan mutaxassislar alohida e’tiborga sazovor. Ular o‘z mahorati va benuqson uslub tuyg‘usini trunk-shouda namoyish etishdi, bunda modellar nozik go‘zallik qiyofalarida ajoyib tarzda namoyon bo‘lishdi.

An’anaga ko‘ra, kecha mehmonlarini sovg‘alar, nafis taomlar, yengil kokteyllar va beg‘ubor kayfiyat uyg‘otuvchi musiqa kutardi. Brend muxlislari networking imkoniyatidan bahramand bo‘lishdi, go‘zallik sanoati yangiliklarini muhokama qilishdi va yangi makonda yaratilgan muhit haqidagi taassurotlari bilan o‘rtoqlashishdi.

suratni Aldo Coppola Tashkent matbuot xizmati taqdim etgan

Endi Aldo Coppola Tashkent sifat, uslub va shaxsiy yondashuvni qadrlaydigan har bir inson uchun ochiq. Salon poytaxtning eng mashhur go‘zallik manzillaridan biriga aylanishni va’da qilmoqda, bu yerda nafaqat o‘z qiyofangizni yangilash, balki chinakamiga dam olish, hordiq chiqarish va o‘zingizni go‘zal his etish imkoniyati mavjud.

Salon manzili:

Toshkent, Fidokor ko‘chasi, 1/3

Hamkorlik materiali