Beka Radley uchun maxsus
Musiqa, sumkalar va brendning yangi quvvati
Britaniyaning Radley aksessuarlar brendi kuzgi yangi kampaniyasini taqdim etdi. “A New Dawn” deya nomlangan loyiha yuzi sifatida xonanda Rebeca Prance tanlandi. U kampaniya doirasida o‘zining “Bloom” mualliflik qo‘shig‘ini kuyladi va videorolikda Romilly sumkasini namoyish etdi. Kampaniya Sohodagi pop-up, London bo‘ylab posterlar, brend ranglarida bezatilgan avtobuslar va Bekaning tasviri tushirilgan shokoladlarni o‘z ichiga oladi.
Radley dizayner Fernando Soriano Iglesias (ilgari Loewe, Calvin Klein‘da ishlagan) rahbarligida hamyonbop lyuks segmentida o‘z mavqeini mustahkamlamoqda.
