Beyonse ilk bor “Emmi” mukofotini qo‘lga kiritdi

2025-yil 12-avgustda Beyonse 2024-yil dekabr oyida Netflix-da efirga uzatilgan “Beyoncé Bowl” bayram shousi uchun “Ko‘ngilochar, hujjatli yoki realiti-shou uchun eng yaxshi liboslar” nominatsiyasida o‘zining birinchi Primetime Emmy mukofotiga sazovor bo‘lgani ma’lum bo‘ldi. Xonanda mukofotni dizayner Shiona Turini va liboslar jamoasi a’zolari: Erika Rays, Molli Piters, Chelsi Stabel va Timoti Uayt bilan birgalikda qabul qildi. Mukofot asosiy marosimdan tashqarida professional ovoz berish orqali aniqlanadigan hakamlar hay’ati toifalari doirasida topshirildi. G‘oliblar ularning ishlariga e’tiborni jalb qilish maqsadida oldindan e’lon qilinadi. Beyonse yana ikkita nominatsiyada — “Eng yaxshi jonli ko‘ngilochar shou” va “Eng yaxshi rejissyorlik loyihasi” nominatsiyalarida ham nomzod etib ko‘rsatilgan bo‘lib, sentyabr oyidagi taqdirlash marosimida o‘z mukofotlar to‘plamini yanada boyitishi mumkin.