Boku moda xaritasida:

Uch kunlik moda, san’at va texnologiyalar bayrami – Bokuda yakunlangan birinchi xalqaro MBFW Ozarbayjon moda haftaligi shunday bo‘ldi. 15-17-may kunlari Ozarbayjon poytaxtini haqli ravishda global xaritadagi yangi moda markaziga aylandi, deyish mumkin.
Tadbir Ozarbayjon moda dizaynerlari uyushmasi tomonidan strategik hamkor Mercedes-Benz ko‘magida tashkil etildi. Aynan ushbu brendning ruhi butun Hafta davomida innovatsion kayfiyatni belgilab berdi: namoyishlar brend bilan o‘zaro aloqa tajribasini qayta ko‘rib chiquvchi #MAR20x konsepsiyasida bezatilgan Abşeron Avtomobil Mərkəzining zamonaviy ko‘rgazma zalida bo‘lib o‘tdi.
MBFW Azerbaijan dasturi  turli mamlakatlar dizaynerlarining ko‘rgazmalari, art-installyatsiyalar va zargarlik brendlarining ko‘rgazma zallarini o‘z ichiga oldi. Uch kunning har biri o‘z badiiy mavzusiga ega edi – Uyg‘onish davri, pop-san’at va ekspressionizm. Makon sun’iy intellekt yordamida yaratilgan proyeksiyalar bilan bezatildi, atmosfera bezagi uchun esa S Design agentligi mas’ul bo‘ldi.

Tantanali ochilish marosimi Ozarbayjon opera va balet teatri solisti tenor Atesh Garayevning ovozi bezadi. Ikkinchi kuni sahnasini esa “Yevrovideniye-2024”ning Ozarbayjondan ishtirokchisi – qo‘shiqchi va qo‘shiqlar muallifi Fahree zabt etdi

Tadbirda Turkiya, Belarus, Italiya, Gruziya, Isroil va Qozog‘istondan mashhur dizaynerlar: Ziya Kocaturk, T.Efremova & Irra, Emilio Bonadio, Blikvanger & Idividi, Vague, Rox Nassenova, Black Queen, Papilio by Alena Goretskaya ishtirok etdi. Mahalliy brendlar ham e’tibordan chetda qolmadi: Azerbaijan Fashion & Art maxsus ko‘rgazmasi Muse Me, The Tothu, Parcha Studio, Gaga Factory, Dova 24, Sultan Couture, Natavan Aliyeva, Sameera, Kaftan mahalliy brendlari to‘plamlari, shuningdek, rassom Elnara Nasirlining san’at asarlari namoyish etildi.MBFWda zargarlik yangiliklari Nino Sepo, Narmeen Jewelry, Vira Plotnikova, Co.Lab, shuningdek, Turkiyaning Panghia zargarlik uyi tomonidan taqdim etildi. Moda palitrasiga qo‘shimcha sifatida Adidas for Mercedes-Benz kolleksiyasining maxsus namoyishi – uslub va texnologiyalar muloqotini ta’kidlovchi moda shtrixi bo‘ldi.

Birinchi MBFW Azerbaijan shuni ko‘rsatdiki, Boku mintaqaning moda va madaniy hayotining yangi markaziga aylanishga tayyor – bu moda san’at, texnologiyalar va zamonaviy ijod bilan uchrashadigan maydonga aylandi.

Suratlar MBFW axborot xizmati tomonidan taqdim etilgan.