Bring the HEAT
Pushti — bu yozning eng asosiy rangi. Biz esa uni qanday qilib zamonaviy va ishonch bilan kiyish mumkinligini ko‘rsatamiz. Yana shuni ham bilib oling: ayni payt — kuch mashqlariga o‘tish uchun eng to‘g‘ri fursat. Va, albatta, bu galgi ta’tilingizda yoningizda bo‘lishi shart bo‘lgan eng zarur buyumlar haqida ham gaplashamiz
Bu yoz fasli go‘zallik olamida yangi ranglar hikoyasini boshlamoqda. Uning yuragida esa shirin pushti, yuzdagi tabiiy qizarish va atirgulning nozik tuslari mujassam. Vizajist Joey Choy Dior Backstage kolleksiyasi orqali bu muloyim ranglar uyg‘unligini jasoratli va zamonaviy obrazga aylantirish sirlarini namoyish etadi.
KORALL KODI
Bu mavsumda klassik qora kontur o‘z o‘rnini tropik ranglarga bo‘shatmoqda. Vizajist Joey Choy esa Dior Backstage Eye Palette’ning 003 Warm Essentials palitrasi yordamida yorqin va dadil tuslarda chizilgan ko‘z qiyofasini yaratdi va obrazni Dior Backstage Rosy bilan nafis tarzda yakunladi.
Bordo chizig‘i
Mukammal kontur yarating va kayfiyat baxsh eting — vizajist Joey Choy singari, Rouge Dior Contour lab qalamining 909 Midnight soyasidan foydalaning. So‘nggi nuqta esa — Dior Addict Lip Glow Butter balzamining 104 Black Cherry soyasidagi to‘yingan qatlamidir: u lablarga chuqurlik va jozibali yorqinlik baxsh etadi.
GILOS MURABBOTI
Qulupnay ranglarining qarama-qarshi ohanglari bilan o‘ynang: shaffoflik, yaltiroqlik va mattlik uyg‘unligi orqali jonli va zamonaviy ko‘rinish yarating. Vizajist Joey Choy ko‘zlar uchun grafik ifodani yaratishda Dior Backstage Rosy Glow allasining 015 Cherry tusidan foydalandi, 001 Pink soyali Rosy Glow Stick yordamida yonoqlarga tabiiy qizarish bag‘ishladi, lablarga esa yengil yaltirash baxsh etib, obrazni nafislik bilan yakunladi.
Karamel jilosi
Bunday ipakdek mayin tuzilma va nozik pigmentlarga ega zarqiroq vosita endi raqib emas, faqat muxlislar orttiradi. Tortinishni unuting: Joey Choy Dior Addict Lip Glow Butter’ni 102–Glazed Lavender soya rangida nafaqat lablarda, balki qovoqlarda ham bemalol qo‘llaydi — bu obrazda zarqiroqning o‘zi bosh qahramon.
Fuksiya uyg‘unligi
Oddiy bo‘yanishni yangilang: qizaritqini zamonaviy haykaltaroshlik vositasi sifatida sinab ko‘ring.
Yuzda jonli qizarish effekti hosil qilish uchun Joey Choy avvalo teri parvarishiga e’tibor qaratdi: Dior Capture Le Sérumva Capture Day Crème kunduzgi kremi terini mukammal tayyorladi.
Shundan so‘ng u Dior Backstage Rosy Glow qizaritqisining 006 Berry tusini yuz markaziga surdi — tetik, yorqin aksent sifatida.
Ochilgan gul
Pastel ranglar go‘zalligini jasur aksentlar ochib beradi.
Bu obrazda nigoh markazda: Dior Backstage Rosy Glow’ning ikkita ohangi — 001 Pink va 015 Cherry — qovoq burmasiga va butun yuza bo‘ylab yengil taralgan.
So‘nggi nuqta esa — to‘la ochilgan gul yaprog‘idek yorqin pushti kipriklar.
Pushti chaqmoq
Monoxromda ifoda topgan joziba: Dior Backstage Rosy Glow’ning 015 Cherry va 001 Pink ohanglarini qovoqqa birin-ketin surtib, rang tiniqligi va hajm orqali portlaydigan ta’sir yarating — jasorat va noziklik bir pardada.
