Bubble gum makeup: pushti manifest
Pardozdagi eng shirin yo‘nalish
Barbi, tarvuz saqichlari, Y2K pop madaniyati va nollar davriga oid boshqa narsalarga oshiq bo‘lganlar uchun bu yo‘nalish haqiqiy zavq bo‘ladi! E’tibor markazida – pushti rang barcha ko‘rinishlari bilan: neonli fuksiyadan to nozik pastelgacha. Bubble gum make up TikTok va Instagram olamida mashhurlikka erishdi va havaskorlar ham, professional vizajistlar ham mamnuniyat bilan takrorlaydigan virusli trendga aylandi. Uni qanday takrorlash va hayotning barcha holatlari uchun pardoz ilhomini qayerdan izlash haqida ushbu maqolada batafsil ma’lumot beramiz.
Bugunni yaxshiroq tushunish uchun o‘tmishga nazar tashlash lozim. Kelgusi mavsumlar uchun modani belgilaydigan zamonaviy inflyuyenserlar aynan shunday qilishadi. Shunday qilib, “saqich ta’mli pardoz” paydo bo‘ldi, u eng “qizlarcha” rangni ulug‘laydi. Pastki beldan kiyiladigan jinsi shimlar, baland “dum”lar va toshchalar bilan bezatilgan oltin davrni eslaylik. Asosiy elchilardan biri haqli ravishda supermodel Pamela Anderson hisoblanadi – bu uslubning timsoli bo‘lib, u tufayli ushbu pardoz yo‘nalishi keng tarqaldi. Uning yorqin qiyofalari hali ham dolzarb bo‘lib, o‘zini erkin ifoda etishni aks ettiradi.
foto: instagram \ @pamelaanderoson
Texnologiya va moda bir joyda turmaydi va tarixni o‘z yo‘liga dadil moslashtiradi. Pardoz do‘konlari peshtaxtalari bir necha daqiqada sizning qo‘g‘irchoq qiyofangizni yaratishga qodir bo‘lgan go‘zallik sanoati yangiliklari bilan tezda to‘ldirildi. Buning uchun terini yengil yaltiroq pardoz yordamida tayyorlash kerak. Namlantiruvchi asos, “ikkinchi teri” ta’sirli tus va yanoq hamda burun ustiga ozgina suyuq haylayterdan foydalaning. Teri ichkaridan nur sochishi lozim.
foto: freepik
Ikkinchi va eng muhim urg‘u – pushti rumyana. Matryoshkaga o‘xshashdan cho‘chimang – pushti yanoqlar sizga yangilik, yoshlik va beg‘uborlik ta’sirini beradi. Smoky eyes haqida unuting va yorqin ranglarga ega palitrangizni oling: qulupnay, nastarin, malina, magenta, marjon. Va, albatta, bubble gum make up’ning asosiy xususiyati – lablardagi suyuq shisha yoki yaltiroq lab bo‘yog‘i.
foto: freepik
Bunday pardoz moda namoyishlari yoki suratga olish paytlarida ajoyib urg‘u bo‘ladi, agar siz unga “kichkina qora ko‘ylak” qo‘shsangiz, bir zumda qiyofani mukammal kechki variantga aylantiradi. O‘zingizni “Shine bright like a diamond” qo‘shig‘ining bosh qahramoni sifatida his qilish uchun jasorat bilan tajriba o‘tkazing va yaltiroqlikni ayamang!
