ELLE Wedding x Uzbekistan Wedding Festival
Uzoq kutilgan festival doirasidagi loyiha taqdimoti
5-may kuni InterContinental Tashkent’da bahorning eng kutilgan tadbirlaridan biri – Uzbekistan Wedding Festival bo‘lib o‘tdi.
Festival allaqachon o‘zini mazmunli dasturi, mahorat darslari va mamlakatning eng sara butiklaridan taqdim etilgan eng nafis to‘y liboslari namoyishi bilan esda qoladigan yuqori darajadagi tadbir sifatida ko‘rsatdi.
Bu yil ELLE O‘zbekiston festivalning axborot hamkori sifatida ishtirok etdi va tadbir doirasida yangi loyiha – ELLE Wedding’ni taqdim etdi. Loyiha taqdimoti yozgi maydondagi tadbirni boshlab berdi, u yerda to‘y va bahor kayfiyati chodirning har bir burchagida akslanardi. “Bravo” orkestri mehmonlarni maftun etdi; gullar, hilpirab turgan pardalar va furshet kutilayotgan loyiha taqdimotiga mos kayfiyat yaratdi. Issiq kunda Chortoq taklif etilgan mehmonlarga salqinlanib, e’tiborlarini tadbirga qaratish imkoniyatini berdi.
ELLE Wedding – bu to‘ylarga bag‘ishlangan ELLE xalqaro brendi doirasidagi nashr. Loyiha tomoshabinlar hayotidagi eng muhim tanlovning bir qismi bo‘lishni istagan brendlar uchun platformaga aylanishni va’da qilmoqda: nikoh uzuklaridan tortib yuqori moda liboslarigacha, gullardan tortib taomlar san’atigacha. ELLE O‘zbekiston bosh direktori Oleg Drobot mehmonlarga loyiha tafsilotlari haqida so‘zlab berdi va to‘y sanoatini rivojlantirish qanchalik muhimligini ta’kidladi:
“Bugun biz hammamiz to‘y sanoatini rivojlantirishda birlashganmiz, bugun hammamiz hamkormiz va bu sohani qanday qilib rivojlantirish haqida o‘ylayapmiz”.
Bundan tashqari, Je T’aime to‘y salonlari tarmog‘i asoschisi Nazima Xaytmetovaga loyihaga ishonch bildirib, uni qo‘llab-quvvatlagani uchun minnatdorchilik bildirildi. Nazima barcha ishtirokchilarga minnatdorchilik bildirdi va hozirda bu uchinchi festival ekanligini, u yildan-yilga kengayib borayotganini hamda yanada o‘sish, rivojlanishni, shuningdek, loyihada yangi dizaynerlarni ko‘rishni istashini ta’kidladi.
Kun davomida tadbir podiumga ko‘chdi, u yerda Bella vita, LaStoria, Sharlin x Majesty, Azamat Samet, Freya, Yassaf, Je T’aime x Exclusive dizaynerlarining modellari namoyish etildi. Munisa Rizayeva ijrosidagi “Jonginam” qo‘shig‘ining ta’sirchan sadolari ostida barcha modellarning chiqishi namoyishni yakunladi.
Munisaning chiqishidan so‘ng uchinchi an’anaviy festivaldagi barcha ishtirokchi dizaynerlar va hamkorlarga tashakkur bildirish va mukofotlash marosimi o‘tkazildi.
Festivalning jonli va interaktiv jihati stritstayl bo‘ldi – eng yorqin va zamonaviy obrazlar stilist Regina Bikulova rahbarligida tasvirga olindi. Uzbekistan Wedding Festival’ning kayfiyati havoyi matolar, aksessuarlar va aksentlar orqali aks ettirildi.
Festival yakunida Je T’aime premium va Dildora Kasimova’ning yopiq kechki namoyishi bo‘lib o‘tdi. Nozik va nafis obrazlar podiumda namoyish etilib, mehmonlarning e’tiborini tafsilotlar, bichimlar va g‘ayrioddiy siluetlarga qaratdi.
Foto: GOLD VISION GROUP
