Erkinlik va g‘ayratlilik tuyg‘usi: ochiq havoda shug‘ullanish

Poytaxtda ochiq havoda mashg‘ulotlar faol va sog‘lom turmush tarziga intilayotganlar orasida tobora ommalashib bormoqda. Mayin iqlim va ko‘plab bog‘-xiyobonlar tufayli shahar ochiq havoda sport bilan shug‘ullanish uchun ajoyib sharoitlarni taqdim etadi.

Startdan finishgacha

Eng ko‘p talabgir dasturlardan biri Botanika bog‘i, Ekopark va Markaziy madaniyat va istirohat bog‘i kabi joylardagi ertalabki yugurish mashg‘ulotlaridir. Bu yerlarda qulay yugurish uchun barcha sharoit mavjud: toza havo, yam-yashil maydonlar va turli tayyorgarlik darajasidagi odamlar uchun qulay yo‘nalishlar. Kuch bilan ishlashni talab etadigan mashqlarini afzal ko‘ruvchilar uchun barcha mushak guruhlarida ishlash imkonini bera oladigan, zamonaviy uskunalar bilan jihozlangan ochiq trenajyor maydonlari bor.

Fotо: Unsplash

Ichki xotirjamlikni topish

Ochiq havoda yoga va pilates bo‘yicha guruh mashg‘ulotlari ham ommalashib bormoqda. Ular odatda tog‘larda, tennis kortlarida, shuningdek, Ekoparkda o‘tkaziladi, bu esa yolg‘izlik va tabiat bilan uyg‘unlik muhitini yaratadi. Ushbu mashg‘ulotlar nafaqat jismoniy holatni yaxshilashga, balki ichki muvozanatni topishga, stressni yengishga va kun bo‘yi kuch-g‘ayratga to‘la yurishga yordam beradi.

Fotо: Pexels

Harakat erkinligi

Toshkent shahrida yanada faol mashg‘ulotlar ishqibozlari uchun funksional trening va krossfit bo‘yicha mashg‘ulotlar ham tashkil etilmoqda. Ular har bir tumanda mavjud bo‘lgan maxsus jihozlangan maydonlarda o‘tkaziladi. U yerda ishtirokchilar kuch, chidamlilik va muvozanatni rivojlantirishga qaratilgan mashqlar majmuasini bajarishlari mumkin.

Fotо: Unsplash

Toshkentdagi ochiq havo mashg‘ulotlari jismoniy formani va salomatlikni saqlash uchun keng imkoniyatlar taqdim etadi. Tayyorgarlik darajasi va afzalliklaridan qat’i nazar, har bir kishi nafaqat tanasini chiniqtirish, balki poytaxt tabiatining go‘zalligidan bahramand bo‘lish imkonini beradigan o‘ziga mos dasturni topa oladi.