Gucci uch nafar talabaga stipendiya taqdim etdi
“Changemakers London” dasturi doirasida
Gucci brendi “Changemakers London” dasturi doirasida London moda kollejining uch nafar talabasiga stipendiya taqdim etdi. Ular Malak Bedidi, Mika Egafon va Yelena May Kilminster-Devi.
Talabalar moda kolleji dekanlari, “Elle Britaniya” bosh muharriri va Gucci Changemakers dasturi ambasadori Keniya Xant tomonidan tanlab olindi.
“Gucci Changemakers London” dasturi oliy ta’limda moliyaviy qiyinchiliklarga duch kelayotgan talabalarni qo‘llab-quvvatlashga qaratilgan bo‘lib, moda sanoatida xilma-xillik va inklyuzivlikni rag‘batlantirish bo‘yicha brend tashabbusining bir qismidir.
