Harakatsiz ta’sir: tabiiy soch turmaklariga qaytish trendi

Agar so‘nggi yillarda moda bizga nimanidir o‘rgatgan bo‘lsa, bu — o‘zimizga ehtiyotkorlik bilan munosabatda bo‘lishdir. Soch parvarishi, minimal aralashuv va maksimal tabiiylik — aynan shu tamoyillar atrofida 2025 yilning yozgi go‘zallik yondashuvi shakllanmoqda. Diqqat markazida — tirik tekstura, yumshoq shakllar va xuddi hech qanday harakat qilinmagandek, ammo sog‘lom va parvarishlangan ko‘rinish.

Tabiiylik trendi — bu parvarishdan butunlay voz kechish emas, balki vaqti-vaqti bilan sochga zo‘ravonlik qilmaslik haqida. Eng muhimi — soch turmagi bo‘lmasdan ham yaxshi ko‘rinsin: sochlar shunchaki quriydi — va allaqachon shakl bor, harakat seziladi. Shuning uchun, bugungi kunda, har xil soch tuzilmasiga osongina moslasha oladigan va millimetrgacha aniqlikni talab qilmaydigan soch kesimlari ayniqsa dolzarb.

Fransuzcha bob-kare
Mavsumning eng universal soch kesimlaridan biri. Devorsochli yoki o‘rtacha zichlikdagi, engil to‘lqinga ega sochlarga ayniqsa mos tushadi — ichki hajm va aniq, lekin yumshoq kesim tufayli. Bu shakl iyak chizig‘ini ajratib ko‘rsatadi, yuz ovalini yangilaydi va doimiy turmakni talab qilmaydi. Sochlar tabiiy quriganda ham, geometrik shakl saqlanadi. Juda zich yoki qattiq sochlarga esa gradatsiya orqali yengillik berish kerak, aks holda sochlar pastga tortib turishi mumkin.

foto: instagram \ @sofiagrainge

Piksi
Yoz mavsumida odatdagidan yumshoqroq ko‘rinadigan qisqa soch kesimi. Qirqilgan zonalarsiz, keskin o‘tishlarsiz — shunchaki orasta va ixcham shakl, tepadagi sochlarga esa biroz uzunlik qoldirilgan. Bu turmak yuz chizig‘ini ajratib ko‘rsatadi, ko‘p vaqt talab qilmaydi va ertalab oynaning oldida uzoq turishni yoqtirmaydiganlar uchun mos. To‘g‘ri yoki yupqa sochlarda eng yaxshi chiqadi — ular shaklni oson ushlab turadi. To‘lqinli va zich sochlarga esa usta biroz yengillik berishi kerak — shakl haddan tashqari og‘ir ko‘rinmasligi uchun.

fotо: instagram \ @lirisaw

Cholkali kare
Har xil soch tuzilmalariga moslasha oladigan asosiy shakl. To‘g‘ri yoki teksturali cholka obrazga urg‘u beradi, yuz chizig‘ini aniqlashtiradi va umumiy ko‘rinishni "yig‘ib" turadi. Eng yaxshi natijani to‘g‘ri yoki engil to‘lqinli sochlarda beradi — turmaksiz ham shakl saqlanadi. Ammo cholka alohida e’tibor talab qiladi: g‘amxo‘rlik qilinmasa, umumiy siluetdan chiqib ketishi mumkin. Juda jingalak sochlarga bu turmak biroz ko‘proq nazorat talab qilishi mumkin.

foto: instagram \ @alinagriga

Yumshoq kaskad
Sochlar tirik, harakatchan va oson turmaktaladigan ko‘rinishini xohlasangiz, lekin uzunlikda katta farq bo‘lishini istamasangiz — yumshoq kaskad eng yaxshi tanlov. Bu uslubda qatlamlar shunday muloyim yasaladiki, go‘yo sochlar o‘z-o‘zidan tushayotgandek ko‘rinadi. Ayniqsa o‘rtacha uzunlikdagi, engil to‘lqinli yoki ozgina taramlanadigan sochlarda chiroyli chiqadi. Kaskad ildizlardagi ortiqcha hajmni kamaytiradi, shakl beradi va turmakni yengillashtiradi. Juda to‘g‘ri sochlarda esa deyarli ko‘rinmasligi mumkin, lekin baribir yengillik va saranjomlik hissini beradi.

foto: instagram \ @haileybieber