Jason Wu × Rauschenberg
Rassom 100 yilligiga bag‘ishlangan to‘plam
Bahor 2026 mavsumi oldidan dizayner Jason Wu Robert Rauschenberg jamg‘armasi bilan hamkorlikka kirishdi. Uning yangi Collage to‘plami rassomning 1970-yillardagi Hoarfrosts va Airport Suite sikllaridan ilhomlanib yaratilgan. Mazkur to‘plamning 14-sentyabr kuni Brooklyn Navy Yard sahnasida taqdim etilishi kutilmoqda. Namoyish sahnasi shunday bezatilganki, jamg‘arma tomonidan taqdim etilgan Rauschenberg qalamiga mansub asarning asl nusxasi mazkur dekoratsiyaning bosh elementi sifatida birinchi planga chiqadi. To‘plam Jason Wuning hayot yo‘lini hamda rassom asarlaridagidek turli elementlarni uyg‘unlashtirishga bo‘lgan estetik qiziqishini ochib beradi.
Hamkorlik rassomning 100 yillik tavalludi munosabati bilan o‘tkazilayotgan yubiley tadbirlariga bag‘ishlangan. Tadbirlar doirasiga AQSHning Menil Collection, Guggenheim va Museum of the City of New York kabi muzeylarida o‘tkazilayotgan qator ko‘rgazmalar ham kiradi.
