Kino va kutyur: modani o‘zgartirgan va millionlarni o‘ziga rom etgan mashhur to‘y liboslari

Ilhom izlab tabiat, tarix, adabiyot va, albatta, kinoni o‘rganamiz. Ayniqsa, to‘y sahnalari uchun nafaqat qahramonlarga xos liboslarni tanlash, balki ularning dizaynerlarini filmda tilga olish ham ommalashdi. Bu marketing ta’sirini kuchaytirish va qahramonni brend bilan bog‘liq tasavvurlar orqali tasvirlash imkonini beruvchi eklektika, psixologiya va tijoratning tutashgan nuqtasidir. Shunday qilib, bir necha avlodlar davomida filmlardagi ramziy to‘y liboslari moda, uslub va hissiy yo‘nalishni shakllantirib kelmoqda.

Orzu ekrandagi kadrdan boshlanib, hayotda to‘y gumbazi ostida yakunlanishi mumkin. Bunga yorqin misol – “Oqshom. Saga. Tong: 1-qism” filmidagi Bella Svonning Carolina Herrera tomonidan yaratilgan to‘y libosi. Uzun yengli va orqasi ochiq ipak ko‘ylak qahramonning nafosati va malohatini aks ettiradi. Dizayner film uchun maxsus libos yaratgan, ammo premyeradan so‘ng u shunchalik mashhur bo‘lib ketdiki, moda uyi haqiqiy kelinlar uchun cheklangan to‘plam ishlab chiqardi.

fotо: instagram \ @twilight

fotо: instagram \ @twilight

Anastasiya Stilning “Erkinlikning ellik soyasi” filmidagi libosi ham shunday mashhurlikka erishdi. Monique Lhuillier brendi qahramon xarakterining o‘zgarishini mukammal tarzda ifodalab, noziklik va tortinchoqlikni ko‘rsatadigan fit-and-flare siluetini tabiatidagi haqiqiy ehtiros ma’nosini beruvchi ochiq o‘mrov suyaklari bilan uyg‘unlashtirdi. Dizayner Monik Lyulening aytishicha, ko‘ylakni Dakota Jonsonning o‘zi tanlagan va uning muvaffaqiyatini Grey nomi ostida brendning asosiy do‘konlarida sotiladigan model tasdiqlaydi.

fotо: instagram \ @fiftyshadesfrees

“Katta shahar ehtiroslari” filmi chiqqanidan keyin Kerri Bredshou g‘alati kiyinish trendini boshlab berdi. Bu Vivienne Westwood moda uyining taniqligini oshirdi va ularni bir zumda avangard va noyob liboslar yaratuvchilari sifatida mashhur qildi. Me’moriy korset va moviy parda bilan bezatilgan hashamatli tafta ko‘ylak bunday liboslarga qiziqish uyg‘otdi va kelinlarni o‘zlarini dadil ifoda etishga undadi.

fotо: instagram \ @brides

Bunga qarama-qarshi voqea “G‘iybatchi” serialida ko‘rsatildi. Uning muxlislari klassik bal uslubining eng yaxshi an’analarida yaratilgan Bler Uoldorfning haqiqiy malikaga xos obrazini, shubhasiz, eslab qolishgan. Unda oq ot mingan shahzoda va toj kiygan malika haqidagi ertaklarga oid bolalik orzularining butun romantikasi mujassam. Vera Vang uni korsetga bantlar va organza yubkasiga qo‘lda ishlangan ko‘p qatlamli naqshlar qo‘shib, haqiqatga aylantirdi. Ko‘ylak 2010-yillarning eng dolzarb namunasi sifatida tarixga kirdi va bugungi kungacha o‘z ahamiyatini yo‘qotmadi.

fotо: instagram \ @brides

Biroq, so‘nggi yillarda kechki va to‘y liboslari yaratuvchisi Zuhair Murad ayniqsa mashhur bo‘ldi. Uning yuksak moda namunasi “Birinchi uchrashuv” komediyasida ko‘rsatildi. Unda qo‘shiqchi Ket Valdes rolini ijro etgan Jennifer Lopez qisman o‘zini namoyish etdi. Millionlab tomoshabinlarning e’tiborini tortadigan va har qanday vaziyatda porlab turishga majbur bo‘lgan yorqin yulduz. Uning kristallar bilan bezatilgan 40 kilogrammlik ko‘ylagi kuchli, ammo nozik ayolning “hashamatli qalqoni” timsoli edi.

fotо: instagram \ @zuhairmurad

Filmlar kelinlar qiyofasini madaniy ramzlarga aylantirib, hikoyani vizual tasvirlash orqali eng yaxshi tarzda yetkazishga qodir. Ular bizga nafaqat libosni ko‘rish, balki uni his qilish, qahramonlar bilan birga kechinmalarni boshdan kechirish va ularni o‘zimizga ko‘chirib olish imkonini beradi.