Ledi Gaga MTV VMA’da yetakchilik qilmoqda
2025-yilda 12 ta nominatsiya
Ledi Gaga 12 ta nominatsiya bilan “MTV Video Music Awards 2025”ning asosiy nomzodi bo‘ldi. Bu joriy yildagi boshqa san’atkorlardan ham ko‘proq. Shu bilan birga, u nomzodlar ro‘yxatida uchinchi marta birinchi o‘rinni egalladi: avvalroq 2010 va 2020-yillarda bu holat kuzatilgan. Gaga “Yil videosi”, “Yil artisti”, “Yil qo‘shig‘i” va “Eng yaxshi albom” kabi asosiy toifalarda taqdim etilgan. Uning Bruno Mars bilan hamkorlikdagi “Die With a Smile” treki bir vaqtning o‘zida bir nechta nominatsiyalarda e’tirof etilgan va “Mayhem” albomi eng yaxshi deb topilgan. Marosim 7 sentyabr kuni Nyu-Yorkdagi UBS arenasida bo‘lib o‘tadi.
