Louis Vuitton sayohat kampaniyasini yo‘lga qo‘ydi

Louis Vuitton suratkash Alek Sot bilan Xitoyda sayohat kampaniyasini boshladi. Suratga olishning dastlabki qismi Guylin shahridagi Li daryosi bo‘yida – tog‘lar, tepaliklar va an’anaviy qayiqlar manzarasida o‘tkazildi. Kadrda brendning ramziy jomadonlari va sumkalari aks ettirilgan. Maqsad – Xitoyni sayyohlik qoliplaridan tashqarida ko‘rsatish. Keyingi manzillar – Chjanszyasze va Datun. Kampaniya 1-iyulda tashqi reklama bilan boshlandi, bosma materiallar 5-iyulda chiqariladi, ijtimoiy tarmoqlarda esa avval Xitoyda 8-iyulda, so‘ngra butun dunyoda 24-iyulda namoyish etiladi.