Milandagi dizayn haftaligi va Salone del Mobile

Prada o‘zining “Prada Frames” loyihasi doirasida Formafantasma dizayn studiyasi bilan hamkorlikda “In Transit” nomli uch kunlik tadbir tashkil etmoqda. Mazkur tadbir 6-8-aprel kunlari Milanda bo‘lib o‘tadi.

Asosiy makon Markaziy temir yo‘l vokzali, aniqrog‘i, “Qirollik pavilyoni” bo‘ladi. Bu noyob zal ilgari Italiya monarxlari va davlat rahbarlarini kutish uchun foydalanilgan.

Bundan tashqari, tashrif buyuruvchilar 1950-yilgi “Arlekino” retro poyezdiga chiqish imkoniyatiga ega bo‘ladilar. Djio Ponti va Djulio Minoletti tomonidan yaratilgan bu afsonaviy poyezd yaqinda ta’mirlangan nafis ichki bezagi bilan mashhur.

Muhokama mavzulari dizayn va tabiat o‘rtasidagi aloqadorlik, shuningdek, insonlar, tovarlar, ma’lumotlar va energiya harakatlanishi masalalarini qamrab oladi.