Naomi Campbell Tolu Coker bilan
Libos — meros sifatida
Dizayner Tolu Coker podiumdan voz kechdi. Uning o‘rniga taqdimot tashkillashtirib, ukasi Ade Coker bilan hamkorlikda suratga olingan 15 daqiqalik "Unfinished Business" filmini namoyish etdi. Qora tanli ayolning onaligi, modadagi merosi va tajribasiga bag‘ishlangan loyihaning markaziy qahramoni — Naomi Campbell. To‘plam Cokerning kiyimga avloddan-avlodga o‘tadigan meros sifatida qaraladigan falsafasini aks ettiradi. Asosiy obrazlar orasida bomberlar, keng shimlar, ikki tomonlama zanjirsimon yopqichli korset ko‘ylak hamda aniq bichimlar-u, mayin matolarni uyg‘unlashtirgan kostyumlar ham bor.
