Post Malone «Austin Post» brendiga asos soldi

Amerikalik sozanda Post Malone “Austin Post” deya nomlangan shaxsiy modalar brendini yo‘lga qo‘ydi. Debyut to‘plami 1 sentyabr kuni Parijda, quyosh botishi manzarasida namoyish etiladi. Tafsilotlar sir saqlanayotgan bo‘lsa-da, brend uslubi Malone‘ning klassik ko‘ylaklardan to yorqin va naqshli kostyumlargacha bo‘lgan eklektik didini aks ettirishi ma’lum bo‘ldi. Bu Malone‘ning moda olamidagi birinchi mustaqil qadami bo‘lib, u avvalroq Crocs, Skims va Stanley 1913 bilan hamkorlik qilgan.  Namoyish san’atkorning Yevropa bo‘ylab rejalashtirilgan boy dasturining bir qismi bo‘ladi: u 3 sentyabr kuni Paris La Défense Arena sahnasida ham konsert beradi.