San’at ta’mi: Chingiz Ahmarovga ehtirom

Hayotda shunday lahzalar bo‘ladiki, ularni unutib bo‘lmaydi. Chunki bir paytlar siz ularni boshdan kechirgansiz, nafasingiz bo‘g‘ilib, beixtiyor boshingiz aylanardi.

Qand brendi 5-may kuni Chingiz Ahmarovga bag‘ishlangan Spring Summer 2025 yangi kolleksiyasi taqdimotini o‘tkazdi. Tadbir so‘z bilan ifodalab bo‘lmaydigan va Instagramdagi ko‘plab hikoyalarda tasvirlab bo‘lmaydigan his-tuyg‘ularni uyg‘otdi. Ularni faqat boshdan kechirish va his qilish mumkin. Har bir soniyani hademay tugab qoladi degan qo‘rquv va hayajon bilan yashash. Har bir lahzani eng mazali shirinlik kabi sekin-asta tatib ko‘rish, har bir ohangni eslab qolishga intilish.Ko‘zingizni yumib, yoshi inson umriga teng – naq 73 yoshli Davlat akademik katta teatrining afsonaviy sahnasida turganingizni tasavvur qiling. Bu sahnada qanchadan-qancha ustozlar chiqishmagan deysiz! Mana, sen teatr sahnasida turibsan, garchi bu kasbga hech qanday aloqang bo‘lmasa ham, yuribsan, o‘tiribsan, musiqa tinglayapsan, qo‘lda tayyorlangan eng mazali shokoladni tatib ko‘ryapsan. Mosaiq8e ijrosidagi maftunkor musiqaning qadimiy ohanglari texno-impulsga aylanib, Chingiz Ahmarovning rasmlari bilan birga seni xayolan XVI asrga olib boradi.Taqdimot Chingiz Ahmarov hayoti va ijodi haqidagi animatsion film namoyishi bilan boshlandi. Film ustida Saidakmal Vahobov boshchiligidagi iste’dodli jamoa: ssenariy muallifi Maftuna Amilxanova, rassom Xolmurod Muzaffarov, rejissyor Abdurahim Aslanov va bastakor Mosaiq8e ishlagan. 1000 ta akvarel asari birlashib, bizga buyuk rassom haqida hikoya qildi.Namoyish tugadi. Hamma keyingi tomoshani kutib o‘tirardi. Kutilmaganda burilish yuz berdi: mehmonlarni sahnaga taklif qilishdi! Ha, ha, to‘g‘ri eshitdingiz: aynan sahnaga. Hamma qo‘rqa-pisa, ammo g‘oyat qiziqish bilan zinapoyadan ko‘tarildi. U yerda tom ma’noda ertak – Chingiz Ahmarov merosidan olingan kompozitsiya tayyorlangan edi. Hamma yoqqa uning ishlari osib qo‘yilgan, ulardan uchtasi shaxsiy kolleksiyadagi asl nusxalar edi.ELLE: Sizningcha, joyning muhiti shokolad ta’mini his qilishga ta’sir ko‘rsatadimi?

Saidakmal Vahobov — Qand brendi asoschisi: Menimcha, har qanday mahsulotning ta’mini idrok etishga ko‘plab omillar ta’sir qilishi mumkin. Shokoladimizni Jeneva ko‘li boʻyida Alp tog‘lari manzarasidan zavqlanib tatib koʻrish boshqa, dalada tinmay mehnat qilib, so‘ng tatib ko‘rish boshqa holat. Biroq, umid qilamanki, qayerda bo‘lmasin, shokoladlarimizdan olingan taassurot eng yuqori darajada bo‘ladi.Mehmonlarni to‘g‘ridan-to‘g‘ri sahnaga taklif qilish orqali ularda qanday hissiyot uyg‘otmoqchi edingiz? – deya so‘radik ushbu taqdimot tashkilotchilaridan biri Maftuna Amilxanovadan.

Maftuna Amilxanova: Avvalo, mehmonlar biz sahnada qayta yaratishga harakat qilgan ertak olamining bosh qahramonlari ekanligini his qilishlarini xohlardik. Biz tomoshabinlarni harakat ishtirokchisiga aylantirmoqchi edik. Shu sababli teatr defilesining finalida “yetti go‘zal” zalda o‘tirib, to‘g‘ridan-to‘g‘ri mehmonlarga qaradi, mehmonlar esa bu paytda sahnada turardi. Rollar almashdi – zal bilan sahna o‘rtasidagi chegara yo‘qoldi.Aytish kerakki, g‘oya muvaffaqiyatli chiqdi. Mehmonlar o‘zlarini bosh qahramonlardek his qilishdi.

Biroq bu hali hammasi emas edi: keyin bizni orkestr chuquriga yaqinroq borishga taklif qilishdi. Odatda bu teatrda klassik musiqa yangraydi. Ammo o‘sha kuni u yerdan megapolis ildizlari va ritmlarining uyg‘unligi eshitilardi.To‘satdan mehmonlar uchun tomosha zali jonlana boshladi: Nadi.uz va LA’MAISON DU TCHAPAN teatr defilesining chiqishi eng yoqimli lahzalardan biri bo‘ldi: eng yuqori markaziy galereyadan ayol qiyofasidagi bulbul – xonanda Sayyora Musaevaning ovozi jarangladi.

Qasrlarga turfa ziynat baxsh etsin,

Ranglarni kamalak kabi naqsh etsin.

Qasrlar ichi ham, sirti ham bir xil,

Rang bilan bezalsin bag‘oyat sarxil, - deya kuylardi u.

ELLE: Aynan shunday taqdimot shaklini yaratishga sizni kim yoki nima ilhomlantirdi?

Maftuna Amilxanova: Albatta, bizni Chingiz Ahmarov chizgan suratlar, Alisher Navoiy she’riyati asosida yaratgan o‘sha dunyo ilhomlantirdi. Ammo eng muhimi, bu g‘oyani amalga oshirishda ishtirok etgan barcha ijodkorlarning ichki holati edi. Bizda chegara yo‘q edi – faqat to‘liq fikr erkinligi bor edi. Men esa teatr defilesida Sayyora Musayeva ijro etgan qo‘shiq matnini yozdim. Uning yaratilishiga Alisher Navoiyning eski o‘zbek tilidagi “Sab’ai sayyor” dostoni asos bo‘ldi.

Chingiz Ahmarov hayoti va ijodi haqidagi film ssenariysini ishlab chiqishda esa bir yoshli jiyanimga ertak to‘qish orzusi meni ilhomlantirdi. Ma’lum bo‘lishicha, kichkina insonga bo‘lgan muhabbat boshlang‘ich nuqtaga aylandi.

Badiiy qism yakunlangach, brend asoschisi Saidakmal Vahobov buyuk rassom asarlarining asl tasvirlari tushirilgan yangi Qand SS 2025 sovg‘a qutilari to‘plamini taqdim etdi.ELLE: Teatr maydonini gastronomik tadbirga moslashtirish qanchalik qiyin bo‘ldi?

Maftuna Amilxanova: Aslida hammasini moslashtirish qiyin bo‘lmadi. Biz boshidanoq his qildik: Katta teatr sahnasi – bu har narsa mumkin bo‘lgan makon! Ayniqsa, yoningizda ajoyib jamoa bo‘lsa, imkonsiz narsaning o‘zi yo‘q.Badiiy qism yakunlangach, Faberari zargarlik uyi va Masterskaya san’at makonining hamkorligida ishlab chiqilgan sovg‘a qutilari yangi to‘plamining taqdimoti boshlandi. Qutilarnning birida kulol Otabek G‘aybullayev tomonidan yaratilgan va chinni bo‘yoqchi Natalya Yalisheva qo‘li bilan naqshlangan eksklyuziv sopol idishlar to‘plami mavjud edi. “Farhod va Shirin” deb nomlangan sovg‘a qutisiga Germaniyaning Zieher brendining nafis idish-tovoqlari ham qo‘shib to‘ldirilgan edi.

Qand brendining yangi kolleksiyasi taqdimoti bu ijodkorlar uchun chegara yo‘qligining yana bir isbotidir. Ularning ijodiy yondashuvi kutilmagan formatlar, g‘ayrioddiy joylar va har qanday voqeani san’atga aylantirish qobiliyati bilan yana ko‘p bor hayratga soladi. Hadya etgan his-tuyg‘ularingiz uchun rahmat, Qand!

Suratlar: Stanislav Boyko, Otabek Mirsagatov