Sezgir bosh terisida soch bo‘yash

Sochni bo‘yab, shu bilan birga bosh terisi qulayligini saqlab qolish — bundan bir necha yil oldin deyarli imkonsizdek tuyulgan vazifa. Bugun esa professional formulalarning rivojlanishi tufayli bu mutlaqo amalga oshadigan jarayonga aylandi. Sezgir bosh terisi uchun nozik bo‘yash turini qanday tanlash, qaysi bo‘yoqdan foydalanish va proseduradan keyin sochlarga to‘g‘ri parvarish berish haqida L’Oréal Professionnel texnologi va Toshkentdagi Soho Beauty salonining top-koloristi Darya Matveeva so‘zlab berdi.

Nega bosh terisi bo‘yashga reaksiya bildirishi mumkin?

Sezgir bosh terisi — juda keng tarqalgan holat. Sabablari turlicha bo‘lishi mumkin: individual xususiyatlar, quruqlikka moyillik, stress, iqlim o‘zgarishi yoki hatto suv tarkibining almashishi. Bo‘yash vaqtida noqulaylik ko‘pincha soch kutikulasi ochilishiga javob beradigan komponentlar, masalan, ammiak sababli yuzaga keladi.

“Klassik ammiakli bo‘yoqlar ba’zida bosh terisida achish yoki tortilish hissini keltirib chiqarishi mumkin, ayniqsa u yuqori sezgirlikka ega bo‘lsa. Ammo L’Oréal Professionnel arsenalida allaqachon ammiaksiz, yumshoq va ehtiyotkor ishlaydigan formulalar mavjud,” — deydi Darya.

Ammiaksiz bo‘yoqlar klassik bo‘yoqlardan nimasi bilan farq qiladi?

Ammiaksiz soch bo‘yoqlari tarkibida ammiak bo‘lmaydi, uning o‘rniga pigmentning soch tuzilmasiga boshqa yo‘l bilan kirib borishini ta’minlaydigan yumshoq komponentlar ishlatiladi.

(tahrir qilinmagan foto)

“Men L’Oréal Professionnel’ning ammiaksiz formulalaridan foydalanaman — bular INOA, DIA Color va DIA Light¹. Ular qulay surtiladi, deyarli hidsiz va qisqaroq ta’sir vaqtiga ega. Tarkibidagi qo‘shimcha parvarish komponentlari esa proseduradan so‘ng soch sifatini saqlab turishga yordam beradi,” — deya izohlaydi Darya.

Rangning mustahkam bo‘lishiga ishonish mumkinmi?

Zamonaviy ammiaksiz formulalar turli vazifalarni muvaffaqiyatli bajaradi. “Bunday bo‘yoqlar deyarli har qanday soch turiga mos keladi. Hammasi maqsadga bog‘liq: rangni yangilash, ohangni to‘g‘rilash yoki butunlay o‘zgartirish. Sezgir bosh terisi uchun bu haqiqatan ham yumshoq va ehtiyotkor yechim,” — deydi mutaxassis.

Bo‘yashdan oldin nimalarga e’tibor berish kerak?

Agar bosh terisi sezgir bo‘lsa, bo‘yashdan oldin xavfsizlik protokollariga rioya qilish muhim. “Men har doim proseduradan 48 soat oldin sezgirlik testini o‘tkazishni tavsiya qilaman, ayniqsa bu birinchi bo‘yash yoki bo‘yoq brendini o‘zgartirish bo‘lsa. Agar bosh terisida ko‘rinadigan shikastlar, tirnash yoki noqulaylik bo‘lsa, bo‘yashni keyinga qoldirgan ma’qul,” — deya ta’kidlaydi Darya.

Bo‘yashdan keyin sochlarga qanday parvarish kerak?

Proseduradan so‘ng nafaqat rangni, balki bosh terisi qulayligini ham saqlashga e’tibor qaratish lozim. “Men bo‘yalgan sochlar uchun maxsus liniyalarni tavsiya qilaman, masalan, Vitamino Color¹ va Metal Detox¹ (L’Oréal Professionnel). Ular sochni muloyim tozalaydi, rangning mustahkamligini uzaytiradi va bosh terisi qulayligini ta’minlaydi — bu tashqi ta’sirlarga sezgir bo‘lganlar uchun ayniqsa muhim,” — deydi Darya.

(Yuvilmaydigan soch spreyi va shampun Vitamino Color; shampun va niqob Metal Detox)

Soch bo‘yash va sezgir bosh terisi — bir-biriga mos keladigan tushunchalar. Buning uchun mos formulani tanlash, mutaxassis tavsiyalariga amal qilish va proseduradan keyin to‘g‘ri parvarish ko‘rsatish kifoya. Zamonaviy ammiaksiz bo‘yoqlar yordamida toza, bir xil rangga ega bo‘lish va shu bilan birga bosh terisi qulayligini saqlash mumkin.

Bo‘yash masalasida har doim professional ustalarga ishonish va sezgirlik testlarini o‘tkazishni e’tiborsiz qoldirmaslik kerak — bu chiroyli rang va sog‘lom sochning kafolati.

Hamkor salonlarda L'Oreal Professionnel bo‘yicha soch bo‘yash xizmatlariga 10% chegirma mavjud.

¹INOA, DIA Color, DIA Light, Vitamino Color, Metal Detox

Hamkorlik materiali