SportWear: qulaylik va uslubning ifodasi

O‘z-o‘zini namoyon etishning zamonaviy falsafasi

22 Avg 2024

Fatima Abdievadan

Bir vaqtlar sport kiyimlari faqat sportchilarning atributi hisoblangan bo‘lsa-da, vaqt o‘tishi bilan ular an’anaviy stereotiplarni buzib, moda haqidagi tasavvurni o‘zgartirdi. Bugungi kunda sport uslubi universal ahamiyat kasb etib, u sayr qilish, ish kuni yoki hatto uchrashuv bo‘lishidan qat’i nazar, kundalik hayotga osonlik bilan moslashadi.

Foto: SPOTLIGHT / Lacoste

Nima uchun sport kiyimlari sevib kiyiladi? Birinchi navbatda, qulaylik uchun: bunday uslubdagi kiyimlar tananing nafas olishini va harakat erkinligini ta’minlaydigan yumshoq matolardan tikiladi. Bunda albatta funksionallik ham juda muhim. Sport kiyimlarining aksariyati molniya, bog‘ichlar, kapyushonlar va cho‘ntaklar bilan bezatiladi. Bu mayda detallar nafaqat zamonaviy ko‘rinishni beradi, balki yomg‘irdan, shamoldan to‘sadi hamda mayda-chuyda narsalarni solish uchun ham qulaylik yaratadi.

Foto: SPOTLIGHT

Sport kiyimining universalligi uning yana bir afzalligidir. Top va midi yubkasi nafaqat ish kuni uchun eng qulay obraz bo‘lishi mumkin, balki bu uyg‘un qiyofa kechki ovqat yoki uchrashuvga ham mos keladi. Oversayz ko‘ylagi va bermudalar sayr uchun ham, sayohat uchun ham ajoyib tanlov bo‘ladi.

Foto: SPOTLIGHT

Sport uslubiga qo‘yiladigan zamonaviy talablar hech qanday chegara bilmaydi. Hech ikkilanmasdan, har xil uslubdagi kiyimlarni birlashtirish ham mumkin. “Sport chik” uslubini “casual” uslubi yoki jiddiylikni aks ettiruvchi uslub va hatto qo‘pol “grunge” ko‘rinishidagi kiyimlar bilan birlashtirsa ham bo‘ladi. Kamar bilan bog‘langan oversize jaket aksentli aksessuarlar tufayli yangicha ko‘rinishga ega bo‘ldi.

Foto: SPOTLIGHT

Agar siz qulaylikni saqlagan holda, obrazga jiddiylik berishga harakat qilsangiz, jinsi kurtka yoki uzun ko‘ylak bilan to‘g‘ri shim kombinatsiyasini sinab ko‘ring. Bu obraz do‘stlar bilan sayr qilish uchun ham, ish yuzasidan bo‘ladigan uchrashuvlar uchun ham mos keladi. Tasvirni qulay poyabzal va zamonaviy baget sumkasi bilan yakunlash mumkin.