Street Style. Copenhagen

4–8-avgust kunlari Daniya poytaxti yana shimol modasining yuragiga aylandi. Kopengagen allaqachon eng “yerga yaqin” moda haftaliklaridan biri sifatida tanilgan — bu yerda street style fotograf kamerasi uchun sahnalashtirilgan tomosha emas, balki shahar hayotining tabiiy va ajralmas qismi sifatida yashaydi.

Asosiy trendlar

Gulchambar naqshi (gорошек)
Kichik nuqtali bezak endi qisqa muddatli o‘tkinchi trend emas, balki ayollar garderobining mustahkam asosiga aylangan. Bu safar u moda haftaligida eng xilma-xil ko‘rinishlarda namoyon bo‘ldi: boshdan-oyoq bir xil printda ishlangan nafis to‘plamlardan tortib, sumka, ro‘mol yoki poyabzalga qadalgan nozik aksentlargacha. Mayda qora-oq — nazokatli kayfiyat uchun, yirik rangli — sho‘x va jur’atli ko‘rinish uchun. Kopengagen ko‘chalarida u turlicha “so‘zladi”, ammo har doim birdek ayollik va yangilik hidi ufurib turdi.

Ro‘mol
Bu mavsumda ro‘mol taqishning odatiy usullari chegaradan chiqib ketdi. Kopengagen moda haftaligida aksessuar faqat bo‘yin yoki belga bog‘lanmadi — u to‘g‘ridan-to‘g‘ri top sifatida, bosh kiyimi sifatida, belbog‘ yoki sumka bezagi sifatida ishlatildi. Moda ixlosmandlari shakl, rang va printlar bilan o‘ynab, ro‘mol har qanday obraz xarakterini bir zumda o‘zgartira oladigan universal detal ekanini yana bir bor isbotladi.

Ichki kiyim uslubi
Biroq bu yo‘nalishda shunchaki atlas yoki dantelli ko‘ylak kiyish kifoya emas — barcha ishni styling hal qiladi. Bu mavsumda urg‘u kontrastlarga berildi: ko‘rinib turuvchi bralar, korsetlar, kombinatsiya-ko‘ylaklar va nafis dantelli sorochkalar erkin uslubdagi obrazlarga tabiiy singdirildi. Ular oversize sviterlar, keng shimlar va sport svitshotlari bilan uyg‘unlashib, ayollik va qulaylik orasida nozik muvozanat yaratdi.

Vyetnamka shippaklar
Bu mavsumda ular street style’ning asosiy detallaridan biriga aylandi. Kopengagen ko‘chalarida vyetnamkalar turfa ko‘rinishlarda — poshnali yoki tekis tagcharmli, betaraf yoki yorqin ranglarda — ko‘rindi. Oddiy dizayn, lekin universalligi tufayli ular kostyumlar, to‘kiluvchi ko‘ylaklar va jinsi shimlar bilan teng darajada moslashib, obrazlarga yengillik va erkinlik baxsh etdi. 90-yillar modasidan qaytib kelgan vyetnamkalar bugungi ulich moda uchun nafaqat qulay, balki zamonaviy bo‘lishi mumkinligini ko‘rsatdi.

Xulosa
Kopengagen moda haftaligi yana bir bor tasdiqladi: bu yerda ulich uslub podiumga qo‘shimcha emas, balki mustaqil moda tajribalarining maydoni. Bu shaharda individual yondashuv, qulaylik va soddalik bilan ijodkorlik orasidagi muvozanat qadrlanadi — aynan shu sifatlar Kopengagen street style’ini butun dunyoda taniladigan darajaga olib chiqqan.

Photos: Spotlight