Tilda Swinton – TF atiri yuzi
Afsonaviy parfyumining yangi talqini
Tom Ford Beauty brendi Black Orchid Reserve atiri uchun Tilda Swinton ishtirokidagi yangi kampaniyani taqdim etdi. Suratga olish ishlari Inez va Vinoodh tomonidan amalga oshirildi, ijodiy g‘oyani esa brendning yangi kreativ direktori Haider Ackermann ishlab chiqdi.
Black Orchid Reserve atiri — 2006-yilda chiqarilgan afsonaviy Black Orchid parfyumining yangilangan talqini sanaladi. Yangi tarkibga Ghost Orchid nomi bilan tanilgan noyob komponent qo‘shildi. Uning oq gullar ifori asl nusxaning tryufel, orxideya, pachuli va qora shokolad kabi yorqin notalariga qarama-qarshilik hosil qiladi.
Aktrisaning so‘zlariga ko‘ra, bu atir “chinakam o‘zgarishlar sezilib turadigan qandaydir sehrli va sirli muhit”ni yarata oladi. Uzoq yillik do‘stlari tomonidan tashkil etilgan kampaniyadagi ishtirok Tilda Swintonga bayram hissini berdi va bir olam quvonch baxsh etdi.
Premyera 13-avgust kuni Buyuk Britaniyada bo‘lib o‘tdi, parfyumning jahon miqyosida taqdim etilishi esa 1-sentyabr sanasiga belgilangan.
