Tokiodagi “LA MUSEUM SHIBUYA” ko‘rgazmasi
Comme des Garçons’dan McQueen gacha
Tokioda mashhur “Laila” vintaj do‘koni tomonidan tashkil etilgan “LA MUSEUM SHIBUYA” nomi bilan nodir ko‘rgazma ochildi. Ekspozitsiyada Comme des Garçons, Yohji Yamamoto, Antwerp Six, John Galliano, Margiela va Alexander McQueen singari afsonaviy dizaynerlarning 50 ga yaqin taniqli liboslari taqdim etilgan.
Ko‘rgazma ilk bor ochiq maydonga chiqayotgan shu nomdagi virtual moda muzeyida bo‘lib o‘tmoqda. Tashrif buyuruvchilar beshta tematik bo‘limda taqdim etilgan 1970-yillardan 2000-yillargacha bo‘lgan mashhur obrazlarni ko‘rishlari mumkin.
Ko‘rgazma ikki hafta davom etadi, shundan so‘ng u joylashgan bino buzib tashlanadi. Bu voqea moda olami uchun yanada noyob va ahamiyatli bo‘lishini ta’minlaydi.
