Do‘ppi: milliy bosh kiyimni qayerda va qanday kiyish kerak?

Do‘ppi XVIII asrdan boshlab O‘zbekiston xalqi madaniyatining muhim qismi bo‘lib kelgan. Ilgarilari bu bosh kiyimsiz ko‘chaga chiqilmasdi, endi esa uni asosan bayramlarda kiyishadi. Do‘ppini "duppi" deb ham atashadi.

Shakli, naqsh xususiyatlari, kashtado‘zlik rangi va vazifasi, xuddi chopon kabi etnik kelib chiqishiga bog‘liq. Do‘ppilar yumshoq yoki qattiq matodan tikilgan va kashta yoki munchoqlar bilan bezatilgan bo‘ladi.

FOTOSURATLAR ANOR UYI MATBUOT XIZMATI TOMONIDAN TAQDIM ETILGAN

Viloyatlarga qarab o‘zbek do‘ppilari olti turga bo‘linadi. Eng keng tarqalgan do‘ppilar Farg‘ona vodiysidagi Chust shahri sharafiga “Chustiy” deb atalgan do‘ppilardir. Ular kvadrat shaklga ega va qora fondagi oq ipak kashtalari bilan ajralib turadi. To‘rtta qalampir shakli do‘ppi ustini bezatib turadi. Ular hayot ramzini anglatadi va yomon ko‘zlardan saqlaydi. Do‘ppining pastki qismi qora ipak jiyak bilan hoshiyalangan bo‘lib, uning ustiga oq iplar bilan boylik va hayotiylik ramzi bo‘lgan to‘lqinsimon naqshlar tikiladi. Xuddi chopon kabi, Buxoro zardo‘zi do‘ppilari ham juda mashhur.

FOTOSURATLAR KANISHKA UYI MATBUOT XIZMATI TOMONIDAN TAQDIM ETILGAN

Ayollar do‘ppilariga asosan anor, bodom, qalampir, turli gul va qushlar shakli tushiriladi. Ular asosan baxmal, ipak yoki so‘zanadan tikiladi. Tayyor do‘ppilar munchoqlar, yorqin toshlar, zarlar va yumshoq popuklar bilan bezatiladi.

Zamonaviy qizlar bayram tantanalarida yoki ijtimoiy tadbirlarda o‘zlarining ko‘rinishlariga milliylik ruhini qo‘shish maqsadida do‘ppi kiyishadi. Dizaynerlar an’anaviy taqinchoqlardan biroz uzoqlashishdi – masalan, Dildora Qosimova brendidan siz to‘liq munchoqlar bilan bezatilgan do‘ppilarni topishingiz mumkin. Do‘ppilar chetlari soch kabi o‘rib olsa bo‘ladigan zarpopuklar bilan bezatilgan. Qadimgi bosh kiyimlar kolleksiyasini Human House, Anor, Kanishka va boshqa mahalliy brendlarda ham uchratish mumkin.

FOTOSURATLAR DILDORA KASIMOVA UYI MATBUOT XIZMATI TOMONIDAN TAQDIM ETILGAN