Valentino va Jolin Cai
Xitoydagi Sevishganlar kuniga bag‘ishlab
Xitoyning Qixi deya nomlanuvchi Sevishganlar kuni bayrami munosabati bilan Jolin Cai o‘zining “Pillow” qo‘shig‘i uchun videoklip taqdim etdi. Valentino moda uyi loyihaning hamkori sifatida qatnashib, 2025-yilgi kuzgi to‘plamdan 10 ta obrazni taqdim etdi.
Bular orasida: to‘rli bodi, shifonli top va jinsi shim, shuningdek, Jolin Cai va tailandlik aktyor Tora Thanapob uchun yaratilgan shimi kengaygan kostyumlar ham bor. Klipning vizual estetikasida to‘plamning asosiy g‘oyasi - 1980-yillardagi Gollivud glamuri aks etib, kadrlarda emotsional drama xuddi kichik sahna ko‘rinishidagi kabi ko‘rsatib berilgan.
Videoda shuningdek, 2025-yilgi kuzgi to‘plam namoyishida taqdim etilgan Valentino Garavani x Vans krossovkalari ham tasvirlangan. Bu krossovkalarga brendning ramzi bo‘lgan Le Chat de la Maison printi tushirilgan.
