Victoria Beckham va Augustinus Bader

3-sentyabr kuni Victoria Beckham Beauty brendi Augustinus Bader bilan hamkorlikda yaratilgan The Foundation Drops tonal kremini taqdim etadi. Formula terini parvarish qiladigan va chidamli qoplamani ta’minlaydigan patentlangan TFC8 texnologiyasini o‘z ichiga oladi. Mahsulot 19 xil rangda chiqariladi va narxi 110 dollarni tashkil etadi.

Mahsulotni ishlab chiqish jarayoni olti yil davom etdi. Victoria Beckham ta’kidlaganidek, maqsad bir vaqtning o‘zida yuz tonini tekislaydigan, terini parvarish qiladigan va qizarishlarga sabab bo‘lmaydigan vosita yaratishdan iborat edi. Klinik sinovlar 100% ishtirokchilarda teri elastikligining yaxshilanganligini ko‘rsatdi.