Xaylayterlar: ultra yorqin terining asosiy siri

Yengil, tovlanuvchi nur – shisha teri trendining o‘ziga xos belgisi. Uni yaratishning asosiy vositasi esa zamonaviy pardozning ajralmas qismi bo‘lgan xaylayterdir. Aynan xaylayter teriga benuqson yorqinlik beradi, uni jonlantiradi va obrazni yanada ta’sirchan qiladi. ELLE O‘zbekiston siz uchun ushbu mavsumning eng sara xaylayterlari haqida qo‘llanma tayyorladi – ularning turlaridan tortib, go‘zallik mutaxassislarining e’tirofiga sazovor bo‘lgan eng mashhur brendlargacha.

Suyuq, krem yoki quruq: qaysi xaylayterni tanlash kerak?

Suyuq xaylayterlar – yengil tuzilishga ega bo‘lib, eng tabiiy ko‘rinishni beradi. Ular “nam teri” effektini yaratish uchun juda mos, buning uchun ularni tonal asos bilan aralashtirish kifoya. Asosiy afzalligi oson tarqalishi va har qanday teri turiga moslashishidir.

Kremli xaylayterlar – eng ko‘p qirrali mahsulot bo‘lib, ularni ham tonal krem ustidan, ham minimal pardoz uchun toza teriga surtish mumkin. Ular terining quruqligini ko‘rsatmaydi va sog‘lom nur taratish effektini yaratadi.

Quruq xaylayterlar – aralash va yog‘li teri uchun eng maqbul hisoblanadi. Bu kuchli nurlanish uchun mukammal vositadir. Ularning asosiy afzalligi chidamliligi va ko‘p maqsadlarda ishlatilishidir: ular qovoqlarda, ko‘z burchaklarida va hatto tanada ham ajoyib ko‘rinadi.

Sinab ko‘rishga arzigulik eng yaxshi xaylayterlar:

Rare Beauty Positive Light Liquid Luminizer – Selena Gomezdan mavsumning asosiy hiti: barqaror, mayin va yarqiroq taassurot qoldiruvchi ipakdek mayin xaylayter. 

Pixi On-the-Glow SuperGlow – sumkada olib yurishga juda qulay bo‘lgan, oziqlantiruvchi tarkibli, stik shaklidagi namlantiruvchi kremli xaylayter.

Charlotte Tilbury Beauty Light Wand – “ikkinchi teri” ta’sirini beruvchi kremsimon suyuq tekstura. Bu Bella Hadid va Victoria’s Secret modellarining eng sevimli pardoz vositasidir.

Fenty Beauty By Rihanna Diamond Bomb All-Over Veil – o‘z turida yagona bo‘lgan, olmos changiga ega xaylayter. U uch o‘lchamli yaltiroq parda kabi qo‘llaniladi va butun yuz hamda tana bo‘ylab sof, ajoyib porloqlikni ta’minlaydi.

Yorqin pardoz yaratish bo‘yicha maslahatlar

Yorqin pardozning asosiy unsuri namli teridir: yorug‘likni aks ettiruvchi zarrachali kremlar ayni muddao bo‘ladi.

Rumyana va bronzerda kremsimon to‘qimalardan foydalaning: ular “ikkinchi teri” taassurotini yaratadi.

Tabiiy ko‘rinish uchun: mayda yaltiroqli xaylayter tanlang.