“Yo‘q” deyish bor vaziyatlar
Zamonaviy dunyoda shaxsiy chegaralarni qanday saqlash kerak?
Baxtli va muvaffaqiyatli hayotning asosiy ko‘nikmalaridan biri bu shaxsiy chegaralarni to‘g‘ri belgilashdir. Axir aynan rad etish qobiliyati hayotda muvozanatni saqlashga, atrofdagilar bilan sog‘lom munosabatlarni o‘rnatishga va o‘z farovonligi haqida qayg‘urishga yordam beradi.
Biz qadriyatlarimizga mos kelmaydigan narsaga “yo‘q” deganda, bir vaqtning o‘zida yangi, yanada mos imkoniyatlarga “ha” deymiz. Bunday qonuniyatda ajoyib faktni payqash mumkin: agar chin dildan halol va ishonch bilan to‘g‘ri rad etsangiz, atrofdagilar ham javobni oliyjanoblik bilan qabul qiladilar.
Sog‘liqni saqlash
Jismoniy, hissiy yoki ruhiy salomatlik bo‘ladimi, organizmni stressga soladigan, holdan toydiradigan yoki toliqtiradigan har qanday vaziyat rad javoblarini talab qiladi.
Ustuvorliklar va qadriyatlar
Agar iltimos va takliflar sizning ustuvorlik va qadriyatlaringizga mos kelmasa yoki boshqa muhim ishlardan chalg‘itsa, qat’iyat bilan rad etishingiz kerak. Chunki aynan ustuvorliklarni belgilash samarali bo‘lishga yordam beradi.
Fotо: Unsplash
Shaxsiy chegaralar
Agar kimdir sizdan noqulaylik tug‘diradigan, shaxsiyatingizga dahl qiladigan yoki o‘z ishingizdan voz kechishni talab qiladigan narsani so‘rasa, qat’iy “yo‘q” deb aytishingiz kerak.
Qarashlar va tamoyillar
Axloqiy tamoyillaringizga, odob me’yorlaringizga yoki hayotiy ko‘rsatmalarga zid bo‘lgan biror narsani qilish so‘ralganda, “yo‘q” deyish ham muhimdir.
Ichki resurslar
Hayotiy muvozanatni saqlash uchun o‘z imkoniyatlaringizni anglash va o‘z zimmangizga ortiqcha majburiyatlarni yuklamaslik muhimdir. Bu horg‘inlikning oldini oladi va mahsuldorlikni saqlab qoladi. Agar siz shubha qilsangiz yoki iltimosni sifatli hamda o‘z vaqtida bajara olmasligingizni his qilsangiz, yolg‘on umidlar berish va oqibatlardan xavotirlanishdan ko‘ra rad etish yaxshiroqdir.
