2024-yil yangi iforlari
Hissiyot, tabiiylik va murakkab kompozitsiyalar
parfyumeriya dunyosi 2024-yilda ddadil va nafis kompozitsiyalari bilan hayratda qoldirishda davom etayotgan taniqli brendlarning ko‘plab qiziqarli yangiliklari bilan xursand qilmoqda. Bu mavsumda asosiy e’tibor klassik parfyumeriya an’analari va zamonaviy tendensiyalarni birlashtirgan ko‘p qatlamli iforlarga qaratildi. Yangilangan formulalar va noyob elementlar har bir iforning o‘ziga xosligini ta’kidlab, ularni parfyumeriya san’atining haqiqiy shinavandalarining mukammal tanloviga aylanadi.
Byredo – Mojave Ghost
Byredo yovvoyi sahro haroratini o‘zida mujassam etgan mashhur Moave Ghost iforining yangilangan versiyasini taqdim etdi. Ushbu talqinda ambra, sandal va mushk notalari magnoliya va binafsha bilan uyg‘unlashib, sirli va oldindan aytib bo‘lmaydigan hissiy kompozitsiyani yaratadi.
Maison Francis Kurkdjian – The Lights of Paris
Bu ifor Parijning tungi muhitini beradi, yonayotgan chiroqlar va sevgi shahrining me’moriy obidalariga maftun qiladi. Kompozitsiyaning markazida iliq gulli notalar kechki shabada salqinligi bilan o‘ralgan yangi sitrus mevalari va yog‘ochli akkordlar bilan to‘ldirilgan.
Diptyque – L'Eau Papier
Diptyque kutilmagan va konseptual iforlarni yaratish an’anasini davom ettirmoqda. Yaqin orada brend Diptique L’Eau Papier – san’at va ijodkorlikka bag‘ishlangan kompozitsiyani taqdim etdi. Xushbo‘y hid guruch pudrasining, oq mushkning va yog‘och ohanglarining hidlarini o‘zida mujassam etadi, bu esa ijodiy g‘oyalarni qabul qilishga shay turgan qog‘oz varag‘ini eslatuvchi nozik va she’riy uyg‘unlikni vujudga keltiradi.
Memo Paris – Indian Leather
Bu Hindistonning yorqin manzaralari ruhini o‘zida mujassam etgan boy va ekzotik ifordir. U terining iliqligini za’faron va kardamonning xushbo‘y notalari bilan birlashtiradi, yasminning nozik akkordi esa gulning nozikligini qo‘shadi. Ud va ambradan yasalgan asos kompozitsiyaning chuqurligini oshiradi va o‘chmas taassurot qoldiradigan dadil va hashamatli ifor yaratadi.
Guerlain – Shalimar Millésime Jasmin
2024-yilda Guerlain uyi afsonaviy Shalimar iforini qayta tiklash uchun jasminning yangi versiyasidan foydalandi. Shalimar Millésime Jasmin – bu hind, italyan va Gras jasminini vanil damlama bilan birlashtirgan, iforga iliq va rangdor chuqurlik bag‘ishlaydigan his-tuyg‘u va mayinlik qasidasi. Kompozitsiya nafosat va jozibadorlik bilan sug‘orilgan buyuk muhabbat tarixini aks ettiradi.
