SAG Awards 2025 31-taqdirlash marosimidagi asosiy go‘zallik yutuqlari
Kim hammadan ko‘proq porladi?
Kino mukofotlari mavsumi avjiga chiqqan, u bilan birga go‘zallik olamida yangi tendensiyalarni belgilaydigan ilhombaxsh obrazlar ham ketma-ket paydo bo‘lmoqda. Biz Londondagi BAFTA mehmonlarining nafisligi va hashamatidan hayratlanishga ulgurmay, Los-Anjelesda o‘tkazilgan AQSh aktyorlar gildiyasining 31-taqdirlash marosimi (SAG Awards)da qizil gilam yana yulduzlar shu’lasi bilan yoritildi. Bu kecha bizga klassika, zamonaviy yengillik va dadil yechimlarni o‘zida mujassam etgan benuqson go‘zallik obrazlarining butun bir galereyasini taqdim etdi. Kechaning asosiy go‘zallik g‘alabalarini tahlil qilamiz.
Leyton Mister
“G‘iybatchi” seriali yulduzi Leyton Mister o‘zining betakror didi va tabiiy go‘zalligini yana bir bor namoyish qildi. SAG Awards marosimida u yumshoq to‘lqinli va yon tomonga ajratilgan soch turmagi bilan nafis va mayin qiyofani yaratdi. Uning makiyaji ham tabiiy nafislikka asoslangan: silliq teri, yengil pushti rangli rumyana, lablar uchun nozik nyud rang hamda nigohlarini yanada teranlashtiruvchi mayin urg‘u. Bunday obraz vaqt ta’siriga bo‘ysunmaydigan nafis go‘zallik timsoliga aylandi.
fotо: instagram \ @eliesaabworld
Demi Mur
62 yoshli Demi Mur – bu yillar osha saqlanib qoluvchi go‘zallikning haqiqiy timsoli. Uning hashamatli, qalin sochlari mayin to‘lqinlarga tizilgan bo‘lib, ularning yorqinligi va sog‘lom jilvasini ta’kidlab turardi. Aktrisaning pardozi obrazni uyg‘un ravishda to‘ldirdi: yaltiroq glitterli smokey-aysning yengil ta’siri va lablardagi tabiiy pushti ranglar yangi va oliyjanob ko‘rinishni yaratdi. Bu oqshom Demi haqiqiy go‘zallik o‘ziga ishonch va o‘zligini ta’kidlash qobiliyati ekanligini yana bir bor isbotladi.
fotо: instagram \ @mirandabysapo
Anna Savai
“Syogun’ serialidagi roli uchun mukofotga sazovor bo‘lgan yapon aktrisa Anna Savai nafis va vazmin obrazi bilan tomoshabinlarni o‘ziga rom etdi. Uning sochlari mukammal tarzda tekislangan va o‘rtadan ajratilgan bo‘lib, nafis va ixcham siluetni ta’kidlab turardi. Annaning pardozi zamonaviy “tabiiy hashamat” tushunchasiga to‘liq mos kelardi: shaffof tus, nozik kontur, lablarning och tabiiy rangi va yumshoq jigarrang tenlar bilan ta’kidlangan ko‘zlarga yengil urg‘u. Bunday obraz minimalizmning naqadar nafis va ta’sirchan bo‘lishi mumkinligini ko‘rsatadi.
fotо: instagram \ @sagawards
El Fanning
El Fanning o‘zining farishta qiyofasi bilan mashhur va SAG mukofotlarida u yana bir bor mukammal uslub his-tuyg‘usini namoyish etdi. Uning qiyofasida bir vaqtning o‘zida ikkita ifodali urg‘u uyg‘unlashgan edi: to‘q qizil lab bo‘yog‘i va tutunsimon ko‘z pardozi. Bu dadil yechim hayratlanarli darajada uyg‘unlashgan – Elning vizajistlari mukammal muvozanatni topishga muvaffaq bo‘lishdi, buning natijasida obraz bir vaqtning o‘zida yorqin va nafis ko‘rinardi. Bunga mukammal silliq teri, tabiiy qizillik va tartibli jingalak sochlarni qo‘shing – va bizning oldimizda zamonaviy ayollik timsoli namoyon bo‘ladi.
fotо: instagram \ @haremscouture
Sofiya Karson
Sofiya Karson har doim nafis va puxta o‘ylangan obrazlari bilan ajralib turadi va bu kecha ham bundan mustasno bo‘lmadi. Uning sochlari yon qirqim bilan tartibli turmakka yig‘ilgan, ammo stilistlar bu klassik elementni yangicha talqin etib, obrazni yangi va g‘ayrioddiy qildilar. Aktrisaning pardozi o‘zining sofligi va vazminligi bilan ajralib turardi: mukammal teri tusi, yengil qizillik, nozik ko‘z qalami va lablardagi tabiiy rang. Butun kompozitsiya shu qadar nafis ko‘rinardiki, undan ko‘z uzishning iloji yo‘q edi.
fotо: instagram \ @mirandabysapo
Selena Gomez
Bu oqshom Selena Gomez yana e’tibor markazida bo‘ldi. “Bir binodagi qotilliklar” filmidagi ajoyib roli uchun mukofotga sazovor bo‘lishi bilan birga, u o‘zining nafis qiyofasi bilan ham barchani maftun etdi. Gomez klassika hech qachon dolzarbligini yo‘qotmasligini yana bir bor isbotladi: uning sochlari retro uslubidagi yumshoq to‘lqinli kare tarzida turmaklangan edi, chuqur qora rang esa libosi bilan uyg‘unlashib, obrazini mukammal darajaga yetkazdi. Makiyajda minimalizmga urg‘u berildi: toza, yarqiragan teri, yengil qizarish, uzun va ifodali kipriklar hamda nafisligi bilan ajralib turuvchi qizil lab bo‘yog‘i. Bu bejirim uslub yana bir bor Selenani Gollivudning eng asosiy go‘zallik ikonalaridan biri ekanligini tasdiqladi.
fotо: instagram \ @sagawards
