Haqiqatan ham samarali 5 lab parvarishi vositasi
Lablarni yumshoq, tekis va namli saqlashga ko‘maklashadigan skrablar, niqoblar va balzamlar
Yumshoq, nam va parvarishlangan lablar nafaqat go‘zallik, balki qulaylik masalasidir. Lab terisi yilning har qanday faslida silliq va himoyalangan bo‘lishi uchun sifatli tarkibga ega samarali vositalarni tanlash muhimdir. Biz sizlar uchun nafaqat javonda chiroyli ko‘rinadigan, balki chuqur oziqlantiradigan va qayta tiklaydigan samarali mahsulotlar to‘plamini tayyorladik.
Dior Addict Lip Sugar Scrub
Bu mahsulot skrab va balzamning xususiyatlarini o‘zida mujassam etgan. Shakar donachalari yumshoq tarzda po‘stloqni ajratib, namlovchi balzamga aylanadi va lablarni silliq hamda mayin qilib qo‘yadi. Tarkibida mango va karite yog‘lari mavjud bo‘lib, ular lablarni oziqlantirish va himoyalashni ta’minlaydi.
fotо: instagram \ @diorbeauty
Tatcha The Kissu Lip Scrub + Tatcha The Kissu Lip Treatment
Lab parvarishini haqiqiy marosimga aylantiruvchi ikki vosita. Avvaliga, yapon shaftoli danagi kukuni va kameliya yog‘i qo‘shilgan nozik skrab lablarni yumshoqlik bilan tozalaydi va tekislaydi, ularni namlanishga tayyorlaydi. So‘ngra Tatcha The Kissu Lip Treatment balzami ishga tushadi: u dengiz o‘tlari va karob daraxti ekstraktlari bilan boyitilgan bo‘lib, lablarni chuqur oziqlantirib, ularga hajm va mayin jilo beradi. Bu ikki vosita birgalikda SPA-muolajasi kabi ta’sir ko‘rsatadi - birinchi qo‘llanishdanoq lablar sezilarli darajada yumshoq, parvarishlangan va ko‘rinishidan silliqroq bo‘ladi.
fоtо: instagram \ @tatcha
Laneige Lip Sleeping Mask
Rezavor meva ekstraktlari va C vitamini majmuasini o‘z ichiga olgan tungi lab niqobi uyqu paytida lablarni chuqur namlaydi va qayta tiklaydi. Shi yog‘i va murumuru kabi tabiiy tarkibiy qismlar lab terisini oziqlantiradi hamda yumshatadi.
foto: instagram \ @laneige_us
The Outset Lip Oasis Glossy Treatment
Skvalan va gialuron kompleksi yordamida yaratilgan ushbu balzam lablarga chuqur namlik beradi hamda tabiiy yaltiroqlik baxsh etadi. Sun Kiss va Mirage kabi yangi ranglar barcha teri turlariga mos keladi.
foto: instagram \ @theoutset
Clarins Lip Comfort Oil
Jojoba va o‘rmon yong‘og‘i moylari bilan boyitilgan lab balzami lablarni chuqur oziqlantiradi va namlaydi, ularga yopishqoqliksiz tabiiy jilo beradi. Uning shaffof tarkibi uni ham alohida qo‘llash, ham pomada ustidan surish uchun qulay qiladi.
Lab parvarishi bo‘yicha maslahatlar:
- Muntazam namlash: Lablaringizga kuniga bir necha marta balzam surting, ayniqsa sovuq va shamolli mavsumda.
- Po‘st tashlash: O‘lik hujayralarni ketkazish va parvarish vositalarining singishini yaxshilash uchun haftasiga 1-2 marta lab skrabidan foydalaning.
- Quyoshdan himoyalanish: Ultrabinafsha nurlarning zararli ta’siridan saqlanish uchun SPF li balzamlarni tanlang.
Ushbu tavsiyalarga amal qilish va sifatli parvarish vositalaridan foydalanish orqali lablaringizni sog‘lom, nam va jozibador saqlashingiz mumkin.
