Bahor-yoz fasli uchun tana mistlari: teridagi yengil xushbo‘ylik
Xushbo‘y spreylar: atirlarning mayin muqobili
Iliq kunlar kelishi bilan erkinroq nafas olish, parvarishda ham, atirda ham yengil tarkiblarni tanlash istagi paydo bo‘ladi. Bahor-yoz fasli uchun tana mistlari – xushbo‘ylik va parvarish o‘rtasidagi muvaffaqiyatli yechim. Ular terini yangilaydi, ortiqcha yuklamalarsiz, kun davomida oson yangilanadi va kerakli kayfiyatni beradi. Biz kundalik hayot va dam olish uchun mos keladigan xushbo‘y spreylar to‘plamini tayyorladik.
Victoria’s Secret Bare Vanilla
Vanil va kokos suti hidiga ega mayin ifor. Ortiqcha shirin bo‘lmagan holda, u qulaylik va xotirjamlik hissini uyg‘otadi. Issiq terida yaxshi ochiladi, shuning uchun dushdan keyin yoki kechqurun ayniqsa yoqimli.
fotо: unspalsh
Bath & Body Works Pink Pineapple Sunrise
Yangi, sersuv va quvnoq. Atir yorqin ananas hidi bilan boshlanib, keyinchalik marakuya va muvozanatlovchi sitrus ta’mi seziladi. Qo‘llanilgan zahoti tetiklashtiruvchi yozgi kokteyl kabi tuyuladi. U, ayniqsa, kunduzi, yangilanish va kunga ritm berish maqsadida foydalanilsa, juda muvofiq. Mistni o‘zi bilan olib yurish va yo‘l-yo‘lakay yangilab turish qulay – ta’tilda yoki shahar jaziramasida uning o‘rnini hech narsa bosa olmaydi.
fotо: instagram \ @bathandbodyworks
Sol de Janeiro Brazilian Crush Cheirosa 68
Jasmin gullari, vanil va pitaxaya bir shishada jamlangan. Hidlarning qatlamlanishi tufayli u odatdagidan uzoqroq saqlanadi – deyarli yengil atir kabi. U kiyim va sochlarga yaxshi o‘rnashadi, obrazni nozik, ammo ta’sirchan tarzda ta’kidlaydi. Oqshomlar, uchrashuv yoki ochiq havoda o‘tkaziladigan tadbirlar uchun juda mos keladi.
fotо: instagram \ @souldejaneiro
Rituals The Ritual of Karma Hair & Body Mist
Beg‘ubor dam olish hissidan ilhomlangan toza va qamrab oluvchi ifor. Oq choy va nilufar xushbo‘ylikka yengillik va nafislik baxsh etadi, tarkibida spirt yo‘qli tufali uni hatto sochlarga ham sepish mumkin. Spa muolajalaridan keyingi yangilanish hissini uyg‘otadi – ertalabki dush yoki kechki vannadan so‘ng juda yoqimli.
fotо: instagram \ @ritualscosmetics
