2024-yilda denimni qanday kiyish kerak
Dizaynerlar unga ikkinchi hayotni sovg‘a qilishdi
Hozirgi kunda zamonaviy javonni hech bo‘lmaganda bir juft jinsisiz tasavvur qilish qiyin. Keng, past bo‘yli, assimetrik kesilgan, g‘ayrioddiy detallarga ega, masalan, tashqi ko‘rinishdagi ichki kiyimlarga taqlid qilish elementlari – brendlar shunga o‘xshash turli xil modellarni taklif qiladi.
Foto: Spotlight / Valentino
Jinsilar uzoq vaqtdan beri oqshom obrazining elementi bo‘lib kelgan. Ular nafaqat odatiy krossovkalar va futbolkalar bilan, balki yengil bluzkalar, baland poshnali sandallar yoki kitten-heel bilan ham mos kelishi mumkin.
2024-yilning bahor-yoz mavsumi ko‘rgazmalari podiumlarida turli xil jinsi ko‘rinishlari namoyish etildi: ko‘ylaklar va klassik uslubdagi shimlardan iborat “kanadacha smokinglar”, kurtkalar va bermuda shortilari. Yuqori bel o‘rni (высокая посадка) pastki bel o‘rni (низкая посадка) bilan almashdi, tor jinsi shimlar o‘z o‘rnini keng modellarga bo‘shatib berishdi, shuningdek, burmali jinsilar ham paydo bo‘ldi.
Pierpaolo Piccioli Valentino to‘plamida klassik denimni qayta talqin qildi va undan taqlid ranglarini yaratdi. Schiaparelli oppoq denimdan tikilgan nimchalar, kurtkalar va keng shimlarni namoyish qildi – ularning barchasi tilla rangli bezaklar bilan bezatilgan edi. Rang haqida gapiradigan bo‘lsak, denim mutlaqo har xil – to‘q yoki och, klassik havorang, to‘q ko‘k yoki issiq ranglarda bo‘lishi mumkin.
Dizaynerlar denimga yangi hayot bag‘ishlamoqda, bu esa uning 2024-yil bahor-yoz mavsumining zamonaviy ko‘rinishiga aylanishi uchun imkon beradi.
