Dior 2.0: Jonatan Anderson debyuti

Dior brendi allaqachon Jonatan Anderson dunyosi deb atala boshlandi. Go‘yoki faqat aprel oyida u Dior erkaklar liniyasining ijodiy direktori etib tayinlangandek, ikki oydan so‘ng, 27-iyunda, dizayner o‘zining yangi lavozimi doirasida Parijda birinchi kolleksiyasini namoyish etdi.

Shov-shuvlar tarqaldi: Anderson Diorni bir paytlar Loeweni tubdan o‘zgartirganidek, o‘zgartirishga qodir ekan.

Parij moda haftaligida taqdim etilgan kolleksiya Jonatan Anderson olamiga haqiqiy sayohatga aylandi. Har bir model o‘z tarixi, uslubi va kayfiyatiga ega mustaqil personaj edi. Shu bilan birga, obrazlarda nozik bog‘liqlik sezilardi: detallar qizil ip kabi qahramonlarni yagona hikoyaga birlashtirardi. U turli davrlarni ustalik bilan bog‘lashga erishdi: erkaklar pijama bichimidagi kostyumlarni bemalol kiyadigan zamonaviy davr hamda kurtka-mundirlar garderobning bir qismi emas, balki jamiyatdagi mavqe va maqom ko‘rsatkichi bo‘lgan qadimgi davr. Bir vaqtlar Andersenning ertaklari bizni maftun etgan bo‘lsa, bugun Andersonning zamonaviy ertagi bizni hayratga solmoqda. Unda bosh qahramon kunduzi ishga klassik uslubda kiyinib borsa, kechqurun bo‘yniga kapalak galstuk taqib, frak kiyishni yoki harbiy kiyimning zamonaviy talqinini afzal ko‘radi. Eng muhim uchrashuvlarga u ipak lentali yopinchiq kiyib boradi – xuddi haqiqiy zamonaviy superqahramonga o‘xshab. U doimo o‘ziga ishongan va hatto istehzoli, chunki u mos kelmaydigan narsalarni birlashtirishi va eng dadil ranglarni uyg‘unlashtirishi mumkin. Shou yakunida Jonatan Anderson ta’zimga chiqdi – ammo odatdagi ikki soniyaga emas. U taklif etilgan mehmonlarga minnatdorchilik bildirdi va hatto biroz uyatchanlik bilan jilmayardi. Shunda aniq bo‘ldiki, moda sanoatida yangi davr boshlandi. Endi bo‘lsa, hamma davomini intizorlik bilan kutmoqda.

foto: Spotlight / Dior Men