Burberry‘dan kuzgi kampaniya
Urg‘u - ustki kiyimlarda
Burberry yangi kampaniyasini Norfolkdagi Wolterton Hall qasrida tasvirga tushirdi. Kadrda aktyorlar Rupert Everett va Luther Ford, rassom Jenny Howorth hamda modellar Lina Zhang, Assa Baradji, Tristan Watkins, Leon Keenan hamda Iris Lasne namoyon bo‘ldi.
Fotosuratchi Sam Rock qahramonlarni an’anaviy interyerlarda va ingliz dala manzaralari fonida suratga tushirdi. Urg‘u — ustki kiyimlarga, ya’ni viskozadan tikilgan trench, baxmal va naqshli charmdan ishlangan kurtkalarga berildi. Kampaniya Burberry‘ning kuzgi namoyishi uchun ilhom manbai sifatida xizmat qilgan qirollik estetikasi va Britaniya tabiati mavzulariga murojaat qiladi.
