Alaïa Summer-Fall 2025

Alaïa moda uyi “Pianino”, "Bo‘ronli dovon" va "Barri Lindon" filmlaridan ilhomlanib, 2025-yilgi yoz-kuz kampaniyasini e’lon qildi. Ijodiy direktor Peter Mulier ilk bor suratga olishni ochiq havo ostida, Fransiya sohillarida o‘tkazdi. Kadrda modellar Loli Bahia va Nastassia Legrand — erkin, kuchli va jozibali Alaïa ayoli obrazini gavdalantirdi.

Suratlar Tyrone Lebon, video bo‘lsa Frank Lebon tomonidan tasvirga tushirildi. To‘plamda yuz va qomatga chiroyli urg‘u beruvchi bichim va mato shakllari qo‘llanilgan bo‘lib, ular flamand portretlari va dengiz me’morchiligini eslatadi. Bu obrazlar zamirida Jane Austen, Virginia Woolf va opa-singil Brontë asarlaridagi adabiy qahramonlardan olingan ilhom mujassam.

Qora-oq ranglar palitrasi va vizual uslub kampaniyaga vaqt va makon chegaralaridan tashqariga chiqib, tasvirga olishni erkinlik va iroda haqidagi kinematografik romanga aylantirdi.