Balenciaga iforlari
10 ta atirni o‘z ichiga oluvchi to‘plam
Balenciaga yangi atirlar to‘plamini taqdim etdi va Parijdagi 10 Avenue George V tarixiy manzilida parfyumeriya butigini ochdi. Aynan shu manzilda 1947-yilda brendning ilk ifori - Le Dix taqdim etilgan edi. To‘plamga 10 ta atir kiradi, ular qatorida Le Dix, Cristóbal, Muscara va boshqalar bor. Atirlarning shisha idishlari arxiv dizayndan ilhom olingan holda yaratilgan, qadoqlash esa brendning o‘ziga xos kulrang rangi va vintaj elementlarni o‘zida uyg‘unlashtirgan. Iforlar 15 ml dan 200 ml gacha bo‘lgan turli hajmlarda taqdim etilgan bo‘lib, narxlari 55 yevrodan 320 yevrogacha bo‘ladi. Barcha idishlar ko‘p martalik bo‘lib, qadoqlar qayta ishlanadi, tarkibidagi spirt bo‘lsa organik bug‘doydan tayyorlangan. Butikda shaxsiy yozuvlarni o‘yib yozish, aksessuarlar va miniatyuralar ham taklif etiladi. Iforlar Yevropa va AQSHning tanlangan do‘konlarida, shuningdek, onlayn platformalarda sotuvga chiqarildi.
