Dior: 2025-yil bahor-yoz Haute Couture

Ajoyibotlar dunyosi

29 Yan 2025

Irina Perovadan

Parijda Yuqori moda haftaligi davom etmoqda. Mariya Gratsiya Kyuri Cigale’ning trapetsiyasimon siluetiga va bar pidjagi, shuningdek, belidan qirqilgan fraklar va kichik yubkalarga ishlatilgan matolarga e’tibor qaratdi. Shou anonsida Mariya Gratsiya bolalarcha samimiylik va Alisa ko‘zgusi orqali Mo‘jizalar mamlakatini tadqiq qilish haqida so‘zlaydi.

“Mohok” uslubidagi bosh kiyimlar popuklar va kapalak hamda gullar shaklida nozik bezaklar bilan bezatilgan tizzadan yuqori krinolinlarga pank ruhini berdi. XVIII asr ichki kiyimlari to‘r bilan bezatilgan paxtali panye va korsetlar, organzadan tikilgan ishtonlar va yupqa ichki ko‘ylaklar tarzida talqin qilindi.

Foto: SPOTLIGHT/Christian Dior

Mariya Gratsiya Kyuri o‘ziga xos qora, oq, bej va kulrang tusdan iborat ranglar gammasida ishladi. 1958-yilda Iv Sen-Loran tomonidan Dior uchun yaratilgan Trapèze to‘plami tuya rangidagi kamtarroq siluetlarda o‘z aksini topdi. Obrazlar puantlarni eslatuvchi qora paypoqlar va balet tuflilari bilan to‘ldirildi.

Foto: SPOTLIGHT/Christian Dior

Foto: SPOTLIGHT/Christian Dior

Namoyish Roden muzeyi zallarida o‘tkazildi. Devorlarga hind rassomi Ritika Merchant asarlarining kashta tikilgan versiyalari tasvirlangan to‘qqizta katta to‘qimachilik panellari joylashtirildi. Ular Chanakya atelyesi va Chanakya hunarmandchilik maktabiga mansub. Rassomlar obrazlarida Kyurining g‘oyalarini ifodalash uchun qiyosiy mifologiya, fan va spekulyativ fantastika mavzularidan foydalanildi.