Go‘zallik inqilobi: pardozingizni o‘zgartiradigan uskunalar

Sevimli uy divaningizda yotib professional kosmetologik parvarishdan bahramand bo‘lish mumkinmi? Albatta! Zamonaviy go‘zallik gadjetlari o‘z tasdiqlangan natijalari bilan vaqt va mablag‘ni maksimal darajada tejash imkonini beradi. Go‘zallik bozorida terini yoshartirish, davolash va namlashga mo‘ljallangan ixcham va samarali texnologiyalarni topish mumkin. Bular qatoriga ultratovushli cho‘tkalar va skrabberlar, LED-niqoblar, mikrotok terapiyasi uchun qurilmalar, teri tozalash uchun vakuumli moslamalar kiradi. Ushbu maqolada ularning afzalliklari, ishlash tamoyillari va eng mashhur modellari haqida batafsil ma’lumot beramiz. 

Gadjetlarni tanlash bo‘yicha tavsiyalar yuz terisi turi va uning ehtiyojlariga bevosita bog‘liq. Qurilmani sotib olishdan avval sertifikatlar va foydalanuvchilar fikrlarini tekshirish, shuningdek, maxsus tavsiya olish uchun dermatolog bilan maslahatlashish lozim. Garchi deyarli barcha qurilmalar har qanday teri turiga moslasha olsa-da, tanangizning ehtiyojlarini sinchkovlik bilan o‘rganishingiz kerak:

• Yog‘li va aralash teri egalari uchun vakuum qurilmalari va ultratovush cho‘tkalari kabi chuqur tozalash vositalari mos keladi.
• Quruq teri uchun kollagen ishlab chiqarilishini rag‘batlantirish maqsadida mikrotok terapiyasi tavsiya etiladi.
• Sezgir teri uchun LED niqoblar singari yumshoq texnologiyalardan foydalanish zarur.
• Yetilgan teri uchun RF-lifting juda mos keladi, u ajinlarni tekislab, yuz konturini tortishtiradi.

fotо: unsplash

FOREO Luna

Kundalik foydalanish uchun ajoyib tanlov bo‘lib, u 99 foiz ifloslik, yog‘ va pardoz qoldiqlarini yo‘qotadi, hamda neylon applikatorlarga qaraganda 35 baravar gigiyenikroqdir. Cho‘tkalarning normal, sezgir va aralash teri uchun uch turi mavjud. Yuz va bo‘yinning turli qismlari uchun yumshoq, oddiy yoki chuqur tozalash rejimlari ham bor. Tanlash uchun intensiv pulsatsiyaning 16 ta darajasi mavjud. Massaj dasturlari mimik ajinlarni, terining osilishini kamaytiradi, yuz va bo‘yin mushaklarini bo‘shashtiradi, limfa oqimini yaxshilaydi va qarish belgilarini sezilarli darajada kamaytiradi. Bundan tashqari, ushbu qurilma kremlar, zardoblar va niqoblarning faol tarkibiy qismlarini teriga chuqur singishiga samarali yordam beradi.

Medicube Booster Pro

Ko‘plab mashhurlarning, jumladan Heyli Biberning sevimli qurilmasi bo‘lib, terini parvarish qilish samaradorligini sezilarli darajada oshirishga yordam beradigan yuqori texnologiyali vosita hisoblanadi. Faol tarkibiy qismlarning singishini kuchaytirish va tabiiy yangilanish jarayonlarini rag‘batlantirish orqali, bu apparat terining qarishi va charchashining dastlabki belgilariga qarshi kurashda beqiyos yordamchiga aylanadi. Ushbu qurilma terini parvarish qilishning eng so‘nggi texnologiyalarini – elektroporatsiya, mikrotoklar, EMS, elektr ignalar, yorug‘lik diodlari va tovush tebranishini o‘zida mujassam etgan bo‘lib, barcha turdagi terilar uchun mos keladi.

GESS YOU

Yuzning ultratovushli skrabberi va bug‘li namlagichidir. Unda salon effektiga erishish uchun zarur bo‘lgan barcha funksiyalar mavjud: ultratovushli tozalash va fonoforez kabilar shular jumlasidandir. Qurilma ham uyda, ham professional foydalanish uchun mo‘ljallangan. Kuchli yuz tozalash vositasi sifatida yog‘li va aralash teri uchun juda mos keladi. Qo‘llash uchun ko‘rsatmalar: kengaygan teshiklar, qora nuqtalar, yallig‘lanishlar, shuningdek terining po‘st tashlashi, muguzlangan qatlami va quruqligi sharoitida foydalanish tavsiya etiladi.

NuFACE Trinity

Mikrotokli lifting apparati. Qurilma mikrotok terapiyasi texnologiyasidan foydalanadi, bunda teri orqali kuchsiz elektr toki o‘tkaziladi. Bu mikrotoklar yuz mushaklarini rag‘batlantiruvchi va kollagen ishlab chiqarilishini faollashtirishga yordam beruvchi tabiiy signallarga taqlid qiladi. Natijada lifting effekti yuzaga keladi, teri yanada taranglashadi va ajinlar sezilarli darajada tekislanadi. Qurilmaning bir nechta intensivlik darajasi mavjud bo‘lib, bu ham yangi, ham tajribali foydalanuvchilar uchun optimal rejimni tanlash imkonini beradi.

Darsonval Gezatone Biolift 4 203

Bu yuz terisi va sochlarni uyda parvarish qilishda ajralmas yordamchi bo‘lishi mumkin bo‘lgan universal qurilmadir. Uning ishlash prinsipi yuqori chastotali toklardan foydalanishga asoslangan bo‘lib, qon aylanishini yaxshilashga, regeneratsiya jarayonlarini tezlashtirishga va yog‘ bezlari ishini normallashtirishga xizmat qiladi. Qo‘llash bo‘yicha tavsiyalarga rioya qilinganda, qurilma teri holatini sezilarli darajada yaxshilashga, yallig‘lanish jarayonlarini kamaytirishga va soch o‘sishini rag‘batlantirishga qodir.

Uy parvarishi uchun gadjetlar – salon muolajalariga ajoyib muqobil bo‘lib, ularning ta’siri nafaqat terining umumiy holatini yaxshilashga, balki go‘zallik tartibingizni sezilarli darajada yengillashtirishga qodir. Eng muhimi – ulardan muntazam foydalaning, shunda teringiz sizga “Rahmat”, – deydi!