Grammy 2025: qizil yo‘lakdagi yulduzlarning taqinchoqlari

Noyob va arxiv marjonlari

04 Fev 2025

Irina Perovadan

Yuqori zargarlik madaniyati o‘zining betakrorligi va jahon brendlarining mahoratini eng nufuzli qizil yo‘laklarida namoyish etmoqda. 3-fevral kuni Los-Anjelesda Grammy 2025 taqdimot marosimi bo‘lib o‘tdi, bunda san’atkorlar qimmatli haykalchalarni qo‘lga kiritdilar va sofitlar nurida yorqin “jilva qildilar”.

Ledi Gaga 1930-yillar boshida yaratilgan Tiffany & Co. ning oltin, marvarid, oniks va yirik yashil turmalindan ishlangan noyob marjonini namoyish etdi – bu ar-nuvo uslubi zamonaviy ar-dekoga o‘zgarganining yorqin misolidir. Bir necha yil oldin Ledi Gagaga Tiffany & Co.ning 128 karatli “Tiffany” olmosli marjonni taqish sharafiga muyassar bo‘lgandi.

foto: instagram/tiffanyandco

foto: instagram/tiffanyandco

Sabrina Karpenter JW Anderson libosini 2017-yilda 342 karatli Janubiy Afrika Kalahari Malikasi olmosidan yaratilgan “Garden of Kalahari” to‘plamiga tegishli 50 karat toshli ulkan o‘zgaruvchan Chopard brillianti bilan to‘ldirdi. O‘shanda Chopard hatto ushbu qimmatbaho taqinchoqlarga bag‘ishlangan butun boshli hujjatli film suratga olgan edi.

foto: INSTAGRAM/ELLEUSA

Greysi Abrams, uning ko‘rinishini haqli ravishda eng zamonaviy va nafis deb hisoblash mumkin, oq oltin, brilliant va marvariddan yasalgan ziraklar – ular Signature de Chanel yuqori zargarlik san’ati to‘plamining bir qismi hisoblanadi.

foto: INSTAGRAM/ELLEUSA

Shakira oyog‘idagi dadil kesimli Etro ko‘ylagiga pushti oltindan yasalgan Pomellato zirak va bilaguzugini tanladi. Zargarlik buyumlari sarg‘ish va qora tusli turli rang brilliantlar bilan bezatilgan.

foto: instagram/pomellato

foto: instagram/pomellato

Britaniyalik qo‘shiqchi Raye Armani Privé ko‘ylagini oq oltin korpus va bilaguzukli Audemars Piguet soatining kichik nusxasi, hamda oq oltin, qora emal va brilliantlardan yasalgan Nikos Koulis ziraklari bilan to‘ldirdi.

foto: INSTAGRAM/raye

Teylor Svift Vivienne Westwood’ning yorqin qizil ko‘ylagiga zanjir va drapirovkadan tushib turgan “T” harfini qo‘shib, yana-da jozibali chiqish qildi. Lorraine Schwartz’ning yoqut taqinchoqlari Grammy 2025 uchun obrazning yakunlovchi unsurlariga aylandi.