Hublot Classic Fusion Essential Taupe

Classic Fusion Essential Taupe’ning yangi versiyasida Shveysariyaning Hublot kompaniyasi o‘zining kamtarligi va universalligi bilan noyob bo‘lgan aniq rangga e’tibor qaratmoqda. Kulrang-sarg‘ish – titanning sovuq jilosi va xira matoning teksturasi o‘rtasida mujassamlashgan murakkab, chuqur tus. U keskinlik va qarama-qarshiliklardan xoli, ammo shu bilan birga garderobga, kundalik uslublarga osongina mos keladi..

Model ikki xil o‘lchamda – 42 va 45 mm taqdim etilgan. Korpus – satinlangan titandan. Siferblat – rangni nozik ta’kidlaydigan “quyosh nurlari” giloshesi bilan bezatilgan. Tasma – kombinatsiyalangan: bir xil rangdagi kauchuk va mato. Barcha elementlar vizual shovqinsiz yagona palitrada uyg‘unlashtirilgan.

Ichida 48 soatlik zaxira quvvatiga ega avtomatik mexanizm o‘rnatilgan. Suv o‘tkazmasligi – 5 ATM. Bezel – H harfi shaklidagi boshli oltita vint bilan mahkamlangan. Sana ko‘rsatkichi – modelning butun arxitekturasi singari minimalistik. Konstruksiya izohtalab emas, u nihoyatda funksional.

Essential Taupe – Essential Monochrome seriyasining to‘rtinchi nashri bo‘lib, u yagona sxema asosida yaratilgan: bitta rang, bitta mahsulot, bitta kirish nuqtasi. Ilgari bu liniyada Big Bang Unico Essential Grey, Spirit of Big Bang Essential Grey va Classic Fusion Essential Grey modellari taqdim etilgan. Barcha maxsulotlar cheklangan va faqat onlayn xarid qilish mumkin.

Classic Fusion Essential Taupe ortiqcha bezaklarsiz va e’tiborni tortishga intilmasdan yaratilgan. Bu aniq maqsadga ega puxta o‘ylangan buyum – uslubda ishlash uchun mo‘ljallangan. Faqat hublot.com saytida mavjud.

Foto: Press Office Hublot