Toshkentda Visa Fashion Week: ichkaridan nazar

14-15-noyabr kunlari poytaxtimizda O‘zbekiston moda sanoatining eng yorqin voqealaridan biri – Visa Fashion Week Tashkent IV mavsumi bo‘lib o‘tdi. Tadbirning titul hamkori raqamli to‘lovlar sanoatining jahon yetakchisi Visa bo‘ldi.

Bu mavsumning mavzusi o‘tkinchilik edi. “Moments of Miracle” shiori bizga har bir tez o‘tib ketadigan mo‘jiza onini eslatib turadi. Tez o‘zgaruvchan zamonaviy dunyoda har bir kishi kundalik hayotdan chalg‘ish va o‘zini sehrli tarixning bir qismi sifatida his qilish imkonini beradigan mo‘jiza izlamoqda. Moda mo‘jiza kabi vaqtincha va noyob bo‘lish xususiyatiga ega, aynan shu o‘tkinchi go‘zallik fantastik hikoya ekranidan olingan lahzalarni aks ettiruvchi to‘plamlar yaratishga ilhomlantiradi, bunda har bir element o‘ziga xos sehr va uslubga ega bo‘ladi.

«Yangi mavsum falsafasi voqelik va tasavvur o‘rtasidagi chegaralarni yo‘qotib, har bir lahzani mahorat bilan yaratilgan durdonaga aylantiradi. Visa Fashion Week Tashkent shunchaki moda maydoni emas, balki g‘oyalar, his-tuyg‘ular va ilhom sinergiyasi uchun makonga aylanmoqda. Bu mavsum tomoshabinlar va ishtirokchilarga yangi idrok ufqlarini ochib, kundalik hayotda yetishmaydigan sehr va ma’no muhitiga sho‘ng‘ishni taklif qiladi», – dedi Visa Fashion Week Almaty & Tashkent bosh direktori va prodyuseri Bauirjan Shadibekov.

Foto: Visa Fashion Week/Timur Epov

Visa Fashion Week Tashkent’ning birinchi kuni o‘z uslubingizni yaratish va jahon moda maydonida o‘zingizni namoyon etish imkoniyatlari haqida ochiq suhbat bilan boshlandi. Spikerlar Parijdagi “I Love What You Do” studiyasi asoschisi va fotograf Vinsent Lappartient bo‘lib, uning moda olamidagi yo‘li san’at tarixini o‘rganishdan boshlangan va uni Chanel va Dior kabi afsonalar bilan ishlashga olib kelgan. Shuningdek, Martyn Roberts – biznes-maslahatchi va yosh dizaynerlar uchun dunyodagi eng mashhur mustaqil platformalardan biri Fashion Scout kreativ direktori. Ochiq suhbatni ELLE O‘zbekiston bosh direktori Oleg Drobot olib bordi.

Tadbir O‘zbekiston yosh tadbirkorlari va kreativ sanoati vakillarini birlashtirib, ularga rivojlanish uchun yangi ufqlarni ochish uchun mutaxassislardan maslahat olish va ularning muvaffaqiyat hikoyalaridan ilhomlanish uchun noyob imkoniyat yaratdi.

Foto: Visa Fashion Week/Timur Epov

Ukraina, Gruziya, MDH va Janubi-Sharqiy Yevropa mamlakatlarida Visa kompaniyasining katta direktori, marketing bo‘yicha rahbari Anastasiya Nenashevaning so‘zlariga ko‘ra, zamonaviy O‘zbekistonda kreativ iqtisodiyotni qo‘llab-quvvatlash barqaror iqtisodiy rivojlanishning muhim elementidir. Visa yosh dizaynerlar uchun nafaqat rivojlanishi, balki taniqli mutaxassislardan o‘rganishi mumkin bo‘lgan platformalar yaratib, bunday tashabbuslarga faol hissa qo‘shmoqda, bu esa ularning karyerasida oldinga siljishiga yordam beradi.

Toshkentda Visa Fashion Week’ning o‘tkazilishi kreativ soha vakillari bilan uchrashish, tajriba almashish, aloqalarni yo‘lga qo‘yish va kompetensiya darajasini oshirish imkonini beradi. Fashion kontentini yaratish uchun streetstyle maydonchaga aylandi. Bu yerda mahalliy fotosuratchilar va taklif etilgan mehmonlar, masalan, Italiyadan tashrif buyurgan Francheska Babbi kabi suratchilarning obyektiviga tushish imkoniyati bor edi. VFWT ko‘rsatuvining sahna ortidagi eksklyuziv fotoreportajini Vincent Lappartient tasvirga oldi.

Foto: Visa Fashion Week/Vincent Lappartient

Foto: Visa Fashion Week/Vincent Lappartient

Foto: Visa Fashion Week/Vincent Lappartient

Foto: Visa Fashion Week/Timur Epov

Foto: Visa Fashion Week/Timur Epov

IV mavsum mehmonlari orasida jahon modasining asosiy figuralari: xalqaro nashrlar jurnalistlari va muharrirlari, influyenserlar, modellar va moda sanoati vakillari, masalan, Elmira Kolmakova, ELLE Kazakhstan raqamli nashriyoti, WWD Japan va ELLE Japan uchun yozadigan yapon jurnalisti Eli Inoue va boshqalar bor edi.

Foto: Visa Fashion Week/Timur Epov

14-noyabr kuni olti nafar dizayner, jumladan, o‘zbekistonlik Azukar Moreno, Cosmodinass, Ozoda va Azamat Somatov, qozog‘istonlik Dark’n’Core va ukrainalik dizayner - Gasanova namoyishi bo‘lib o‘tdi.

Foto: Visa Fashion Week/Timur Epov

Foto: Visa Fashion Week/Timur Epov

Foto: Visa Fashion Week/Timur Epov

Foto: Visa Fashion Week/Vincent Lappartient

Kamola Rustamova, Azukar Moreno dizayneri: «Brendning asosiy vazifasi – barqaror moda bo‘lib, u an’analar va madaniyatni saqlashga ham e’tibor qaratadi. Men turli mamlakatlarning etnik xususiyatlari va folklorini yaxshi ko‘raman, bu ko‘pincha mening buyumlarimda aks etadi. Moda insonni madaniyatni saqlashga undaydigan asosiy vositadir. Biz o‘z madaniy merosimizni boshqa davlatlarda namoyish qilganimizda, odamlarning qiziqishi, keyin esa, albatta, talabi ortadi. Biz, mahalliy dizaynerlar ustalarning motivatsiyasini oshirib, so‘zana bezaklari va texnikasini qayta yaratmoqdamiz. Men uchun Visa Fashion Week – bu yangilikni sinab ko‘rish va mijozlarni hayratda qoldirish uchun tavakkal qilishga undaydigan chaqiriq».

Foto: Visa Fashion Week/Vincent Lappartient

Foto: Visa Fashion Week/Rukhshona Turgunbaeva

Foto: Visa Fashion Week/Rukhshona Turgunbaeva

15-noyabr kuni VFWT mehmonlari o‘zbekistonlik iste’dodli dizaynerlar – Dilnoz, Suraya va Liliya Dulat, qozog‘istonlik – Zardozi va Zhsaken, shuningdek, ozarbayjonlik dizayner Zumrud Mirzaliyevaning chiqishlaridan bahramand bo‘lishdi.

Foto: Visa Fashion Week/Timur Epov

Foto: Visa Fashion Week/Timur Epov

Foto: Visa Fashion Week/Vincent Lappartient

Foto: Visa Fashion Week/Timur Epov

Liliya Palyunina, Liliya Dulat dizayneri: «Biz O‘zbekiston tarixiga bo‘lgan alohida muhabbat va ishtiyoq: betakror an’anaviy uslub, madaniyat va etnik o‘ziga xoslik uchun ilhom manbai bo‘lgan BAZAAR SEASON kolleksiyasini taqdim etdik. O‘zbek dizaynerlari va stilistlarining vatanparvarligi modadagi muhim trendga aylandi.

Foto: Visa Fashion Week/Timur Epov

Ta’kidlash joizki, Visa Fashion Week’da ishtirok etish ijod bilan shug‘ullanish va doimiy ravishda takomillashib borish imkonini beradi. Men o‘z brendimni boshqa ayollarga o‘xshamaydigan kuchli, jasur, yorqin energiyaga ega ayollarga bag‘ishlayman».

Foto: Visa Fashion Week/Timur Epov

Dilnoz Erkinova, Dilnoz dizayneri: «Kolleksiyalarimda ko‘pincha milliy matolarimizdan foydalanaman: adras, baxmal, shoyi. Zardo‘zi va shoyi iplari bilan tikilgan kashtalar mening qalbimda alohida o‘rin tutadi. Betakror matolar, chiroyli naqshlar, qo‘lda to‘qilgan chiroyli choponlar – bularning barchasi ota-bobolarimizdan bizgacha yetib kelgan. Visa Fashion Week – ijodkorlar uchun ajoyib platforma. Bu yerda o‘ziga xos ijodiy muhit mavjud. Bu yangi iste’dodlar kashf etiladigan makondir».

Foto: Visa Fashion Week/Timur Epov

Markaziy Osiyodagi Xalqaro moda haftasi – Visa Fashion Week Tashkent IV mavsumida ishtirok etgan dizaynerlar ijodga sho‘ng‘ib, oddiy narsalarni ajoyib san’at asarlariga aylantirdilar. Libos yaratish jarayonida tug‘ilgan haqiqiy sehr, mato va shakllar orqali hikoyalar to‘qilib, endi tomoshabinlarga ilhom bag‘ishlamoqda.

Reklama huquqi asosida.