Qanday qilib o‘z iforni tanlash mumkin
Attorlik uslubi san’ati
O‘zingizga mos keladigan mukammal iforni topish — ubu shunchaki yoqtirgan flakonni tanlashdan ko‘ra murakkabroq vazifa. Atir sizning shaxsiyatingiz, kayfiyatingiz va turmush tarzingiz bilan uyg‘unlashib, yaxlit qiyofangizni yakunlovchi shtrix bo‘lishi kerak. Keling, qaysi atir aynan sizga mos kelishini qanday aniqlash va uni shaxsiy hikoyangizning bir qismiga aylantirish uchun qanday tanlash mumkinligini ko‘rib chiqamiz.
O‘z uslubingiz va turmush tarzingizni tahlil qiling
O‘z turmush tarzingiz va uslubingizni tahlil qilishdan boshlang. Tabiatangiz klassikaga moyil bo‘lsa, sizga nozik hidli gul va upali iforlar, masalan, atirgul, yosuman yoki gulsafsar mos keladi. Sayohat va erkinlikni yoqtirasizmi? Yorqin sitrus va ziravorli hidlarga ega iforlarni sinab ko‘ring. Agar uyda o‘tirishni va osoyishtalikni ma’qul ko‘rsangiz, yumshoq va iliq yog‘ochli kompozitsiyalarga e’tibor bering.
Foto: Pexels
Iforlar "oilasi"ni o‘rganing
Barcha atirlar o‘ziga xos hidlari va ular uyg‘otadigan kayfiyatlarga qarab guruhlarga yoki "oilalar"ga bo‘linadi. Asosiy guruhlar quyidagilardan iborat:
● Gullar — ayollarga xos va romantik, yengillik va nafosatni sevuvchilar uchun ideal;
● Sitrusli — yangi va tetik, yengil iforlarni afzal ko‘radigan faol odamlar uchun juda mos keladi;
● Yog‘ochsimon — iliq va barqaror, ishonch va chuqur his-tuyg‘u baxsh etadi;
● Sharqona — to‘yingan, ziravor va sirli, jasur, xarizmatik shaxslar uchun g‘oyat muvofiq.
Qaysi "oila"ga moyilligingizni tushunganingizdan so‘ng, tanlovni toraytirish osonroq bo‘ladi.
Foto: Pexels
Aynan sizga yoqadigan hid
Bu shunchaki zamonaviy atir emas, balki sizda yorqin his-tuyg‘ularni uyg‘otadigan xushbo‘ylik bo‘lishi ehtimoli ko‘proq. Ehtimol, u sizni iliq xotiralaringizga qaytaradi yoki aksincha, hayotingizda yangi bosqichning boshlanishini anglatadi. Oddiy qilib aytganda, u qalbingiz bilan uyg‘un tarzda jaranglashi kerak.
Foto: Freepik
Hidi surtilgandan keyin deyarli sezilmaydi
Mukammal tanlangan atirning asosiy belgisi uning sizning tabiiy hidingiz bilan uyg‘unlashib ketishidir. Agar hid teringizda "erib" ketsa, siz uni sezmay qo‘yasiz, go‘yo u sizning bir qismingizga aylanib, benuqson uyg‘unlikni yaratadi. Agar shunday bo‘lsa, uni parfyumeriya to‘plamingizga dadillik bilan qo‘shishingiz mumkin.
Foto: Pexels
Sezgingizga ishoning
Oxir-oqibat, atir tanlash his-tuyg‘ular masalasidir. Turli hidlarni sinashdan, taqqoslashdan va birinchi hidlashdayoq sizni o‘ziga tortgan atirlarni qayta-qayta hidlashdan cho‘chimang. Ko‘pincha "sizning" atiringiz - bu tuyg‘ularingizni uyg‘otadigan, yoqimli xotiralarni keltirib chiqaradigan va sizga ishonch baxsh etadigan vositadir.
Foto: Freepik
Mukammal parfyum — bu shunchaki yoqimli hid emas, balki ichki dunyongiz bilan uyg‘unlik va betakrorligingizning aksidir. Ifor tanlashga san’at sifatida yondoshing va u har qanday vaziyatda sizning sodiq hamrog‘ingizga aylanadi.
