Retro krossovkalar: kelajakka qaytish
Yangi bir juft “eski” krossovkalar
Retro-estetika nafaqat kiyimlarga, balki poyabzallarga ham faol tarqalmoqda. Buning yorqin misollaridan biri krossovkalar trendidir. Bunda o‘tgan yillarning mashhur modellarini maxsus vintaj do‘konlaridan izlash shart emas. Dizaynerlar yangi “eski” krossovkalarni muvaffaqiyatli taqdim etishmoqda va o‘tgan asr xitlarining dizaynini qayta talqin qilishmoqda. Bunday variantlar juda ko‘p, faqat tanlov qilish qoladi.
Onitsuka Tiger Mexico 66
Yo‘lbars chiziqli sariq krossovkalar (“Billni o‘ldirish” filmidagi Uma Turman kiygan kabi) dastlab Yaponiyada yugurish modeli sifatida yaratilgan. Ular 1966-yilda Mexikoda bo‘lib o‘tgan musobaqada ilk bor taqdim etilgan va nomi ham shundan kelib chiqqan, ammo 1978-yildagina ramziy ahamiyat kasb etgan.
Hozirgi kunda bu model yana ommalashib, har bir moda influyenserining garderobida mavjud.
foto: farfetch.com
foto: Instagram/linda.sza
Adidas SL 72
Krossovka dizaynidagi eski trendlarning moda maydoniga qaytishi haqida so‘z yuritganda, Adidas modelini e’tibordan chetda qoldirish mumkin emas.
Ular dastlab yugurish uchun mo‘ljallangan bo‘lsa-da, bugungi kunda kundalik kiyim uslublarining ajralmas qismiga aylanib ulgurdi. Ularni rasmiy kostyumlar bilan ham, yonbosh chiziqlari bor shimlar bilan ham, romantik yubkalar bilan ham, hatto ko‘ylaklar bilan ham didga solishadi. Qaysi variantni tanlamang, ular kiyim uslublarini yaratishda sevimli tanlov vositasiga aylanishga da’vogardir.
foto: adidas.com
foto: instagram/oliviapezzente
Miu miu x New Balance
Retro-effektning o‘ziga xos xususiyati – bu eski va go‘yo “hayot ko‘rgan” ko‘rinishdir, xuddi bir juft krossovka buvimizning shkafidan garderobga ko‘chib o‘tgandek. Jigarrang zamsha bu vazifani a’lo darajada bajaradi! Bunday modelga misol sifatida Miu miu va New Balance brendlarining mashhur hamkorligidagi kolleksiyani keltirish mumkin. Shunga o‘xshash namunalarni Jeffrey Campbell va Zara do‘konlarida ham topish mumkin.
foto: miumiu.com
foto: instagram/marianne_theodorsen
Puma Palermo Special Sneakers
Puma krossovkalari 50 yildan oshiq vaqtdan beri o‘z dolzarbligini yo‘qotmay, bozorda sotilishda davom etmoqda. Masalan, Palermo Special Sneakers ham an’anaviy, ham yorqin ranglar to‘plamini taklif etadi. Ularning yorqin ranglari 80-yillarning neon yorug‘lik lavhalaridan ilhom olingan.
foto: farfetch.com
foto: instagram/puma
