SAG Awards 2025: qizil gilam ziynatlarining jilosi
Tiffany & Co. klassik nafisligidan Messika avangard yorqinligigacha
AQSH kino aktyorlari gildiyasi mukofoti (SAG Awards) nafaqat kino olamidagi eng muhim tadbirlardan biri, balki eng hashamatli zargarlik buyumlari uchun namoyish maydoni hamdir. Har yili yulduzlar dunyoning yetakchi zargarlik uylarining qimmatbaho san’at asarlarini ko‘z-ko‘z qilib, olmoslar jilosida qizil gilamdan yurib o‘tadi. 31-taqdirlash marosimi 23-fevral kuni Los-Anjelesda o‘tkazildi.
Sofiya Karson Chopard brilliantlariga urg‘u berib, markaziy toshi 12 karatdan og‘irroq bo‘lgan ko‘zni qamashtiruvchi marjonni tanladi.
foto: instagram/elleusa
Emma Naomi o‘z qiyofasini Fernando Jorge’ning oltin va olmosdan yasalgan nafis ziraklari bilan to‘ldirdi, Milli Bobbi Braun esa shaffof olmoslar va e’tiborni tortadigan 11 karatli sariq olmosli Chopard ziraklarida porladi.
foto: instagram/elleusa
Selena Gomes to‘q ko‘k rangdagi maxsus Celine libosida paydo bo‘lib, o‘zining nozik uslubini Messika brilliant taqinchoqlari bilan ta’kidladi. Uning qiyofasini Pear Appeal ziraklari hamda Night Owl va Fiery uzuklari to‘ldirdi.
foto: instagram/messika
El Fanning oq oltin, olmos, oniks va zumraddan yasalgan Panthère de Cartier zargarlik buyumlarini tanladi va o‘z qiyofasiga nozik yirtqich nafislik ohanglarini qo‘shdi.
foto: instagram/elleusa
Afsonaviy Jeyn Fonda, zamon bilmas uslub timsoli, o‘z qiyofasini oltin, olmos va oy toshlaridan yasalgan Pomellato bezaklari bilan to‘ldirdi. Aktrisa 1690 ta oq olmosli Iconica High Jewelry marjonini, 29 karatdan ortiq og‘irlikdagi ikkita oy toshi va 643 ta oq olmosli Moonstones High Jewelry ziraklarini, shuningdek, 21 karat oq kvars va 54 ta oq olmos bilan bezatilgan Iconica kokteyl uzugini tanladi. Pomellato uyining qadriyatlarini – huquq va imkoniyatlarni kengaytirishni o‘zida mujassam etgan holda, Fonda o‘z nutqida aktyorlik mahoratining bag‘rikenglik va tolerantlikni rag‘batlantiruvchi o‘zgartiruvchi kuchini ta’kidladi.
foto: instagram/pomellato
foto: instagram/pomellato
foto: instagram/pomellato
Demi Mur tadbirda Tiffany & Co. zargarlik buyumlarida paydo bo‘ldi va Jean Schlumberger by Tiffany to‘plamini tanladi. Umumiy og‘irligi 11 karatdan ortiq bo‘lgan platina va 18 karatli sariq oltin brilliantli Chevron Fringe marjoni va 18 karatli sariq oltin brilliantli Hands bilaguzugi haqiqiy hashamat timsoliga aylandi.
foto: instagram/tiffanyandco
foto: instagram/tiffanyandco
foto: instagram/tiffanyandco
Tiffany & Co. zargarlik merosini 1949-1959-yillardagi olmosli arxiv marjonini va og‘irligi 5 karatdan ortiq bo‘lgan olmosli platina uzukni tanlagan Mayka Medisonning chiqishi alohida e’tiborga sazovor bo‘ldi. Bu vaqt sinoviga bardosh bergan haqiqiy klassika edi.
foto: instagram/tiffanyandco
foto: instagram/tiffanyandco
foto: instagram/tiffanyandco
Ushbu kechada olmoslar shunchaki bezak emas, balki SAG Awards 2025 qizil gilamidagi har bir yulduzning benuqson uslubini ta’kidlab, abadiy go‘zallik, san’at va o‘ziga xoslik ramziga aylandi.
