Saudiya Arabistonida asal oyi

Mukammal romantikani his etish uchun yangi oila qurganlar Saudiya Arabistoniga e’tibor qaratishlari lozim. Bu yerda ko‘plab juftliklar faqat orzu qilishi mumkin bo‘lgan taassurotlarning keng qamrovi taqdim etilgan. Saudiya Arabistoni butun umrga tatigulik sayohat uchun ertaknamo joylarni izlayotganlar qalbini rom etadi.

Oy nurida sehrli onlar va sahroda maftunkor yolg‘iz sayrlardan tortib, Qizil dengiz romantikasi va hashamatli dam olishgacha – har qadamda sizni yangi kashf etilmagan sarguzashtlar kutmoqda. An’analar va meros romantik jo‘shqinlik bilan uyg‘unlashgan muhitda sevgingizni nishonlang.

Sahroda yulduzlarni romantik kuzatish

Shahar chiroqlaridan uzoqda, musaffo yulduzli osmonni tomosha qilib, arab sahrolarining sukunati va ulug‘vorligiga sho‘ng‘ing. Saudiya Arabistonida juftliklar qumli kengliklarning tinchlik baxsh etuvchi muhitiga g‘arq bo‘lishi, tunda esa cheksiz yulduzli osmonni tomosha qilishi mumkin bo‘lgan beshta turli xil sahro mavjud. Shaharlardan uzoqda joylashgan arab sahrolari sun’iy yoritish moslamalarisiz maftunkor tungi osmon manzarasini namoyon etadi.

Al-Ula yaqinidagi Garmeel (Gharameel) alohida e’tiborga loyiq – Somon yo‘li, yulduzlar va sayyoralarni kuzatish uchun eng qulay joy. Tabiiy qumtosh ustunlari bu kosmik manzarani o‘rab turadi. Yulduz ishqibozlari Habitas AlUla’dagi Celestial Villas mehmonxonasida o‘z xonalarida o‘rnatilgan teleskoplar orqali osmonni kuzatishda davom etishlari mumkin. Majmua Ashar vodiysining qadimiy kanyon vohasida, qumtoshli qoyalar va palma o‘rmonlari orasida joylashgan.

Tarixiy shaharlar

Jidda va Ar-Riyodda tarixiy muhitga sho‘ng‘ing: an’anaviy me’morchilik, gavjum bozorlar va shinam kafelar. Ar-Riyodning Dir’iya tumanida Saudiya Arabistonining haqiqiy hayotini his qilish mumkin. Souq Al-Zal – antikvar buyumlar, kumush, matolar va xushbo‘y atirlar sotiladigan tosh yotqizilgan ko‘chalar va do‘konlarga ega shaharning eng qadimiy va yirik bozoridir.

Bujairi Terrace – puxta tanlangan jahon darajasidagi restoran va kafelarga ega Dir’iyaning yangi gastronomik markaziga albatta tashrif buyuring. Romantik kechani davom ettirish uchun Ar-Riyod yaqinidagi Tuvayq tog‘lari orasidagi hashamatli glamping – Tuwaiq House villasidagi PAUSEAWAY’da to‘xtashingiz mumkin.

Jiddada YUNESKOning Butunjahon merosi ro‘yxatiga kiritilgan Al-Balad tarixiy tumaniga tashrif buyurib, to‘rt qavatli uy-muzey va 16 000 kitobdan iborat kutubxona – Bait Nasseefgacha bo‘lgan haqiqiy tor ko‘chalar bo‘ylab sayr qiling. To‘lqinlar shovqini ostida Jidda qirg‘og‘i bo‘ylab romantik sayr Qizil dengiz sohilidagi hashamatli Shangri-La Jeddah mehmonxonasida tunashdan oldin kunning ajoyib yakuni bo‘ladi.

Havo sharida parvoz

Saudiya Arabistonidagi YUNESKOning birinchi obyekti va 200 000 yildan ortiq tarixga ega jonli muzey – Al-Ula ustidagi havo sharida hayajonli parvoz bilan his-tuyg‘ularingizni yangi cho‘qqilarga ko‘taring. Sizni qumtoshli qizil qoyalar, palma o‘rmonlari va qadimiy sahro landshaftlarining unutilmas manzaralari kutmoqda. 1200 metrgacha bo‘lgan balandlikda parvoz qilish butun umrga esda qoladigan sarguzasht bo‘ladi.

Muhitga to‘liq sho‘ng‘ish uchun Eski Al-Ula shahridagi yangi Dar Tantora mehmonxonasida qoling. Mehmonxona 2024-yil yanvar oyida ochilgan. Bu yerda haqiqiy muhit va zamonaviy qulayliklar uyg‘unlashgan.

Hashamatli spa-dam olish maskanlari

Qizil dengizdagi Six Senses Southern Dunes’da hashamatli dam olish bilan o‘zingizni va juftingizni xursand qiling. Qizil dengiz qirg‘og‘idagi ulug‘vor qum tepaliklari orasida joylashgan spa-markaz qariyb 4000 kv.m maydonni egallab, sahroning tabiiy shakllari va qum ranglarini aks ettiradi. Majmuaga zamonaviy sport zali, yosharish markazi, erkaklar va ayollar uchun muolajalar, meditatsiya uchun gumbazli zal, ochiq havoda muolajalar uchun xonalar va hovuz yonidagi bar kiradi.

Qizil dengizga romantik sayohat

The St. Regis Red Sea Resort’ning Ummahat xususiy orolida yolg‘izlikdan bahramand bo‘ling. Shaxsiy hovuzlari bo‘lgan suvdagi va qirg‘oqdagi keng villalar, Qizil dengizning maftunkor manzaralari va a’lo darajadagi xizmat unutilmas asal oyi uchun ideal sharoit yaratadi. Bu yerga kater yoki gidrosamalyotda yetib borish mumkin. Orol bo‘ylab suv ustida va qirg‘oqda 90 ta keng villalar joylashgan.

Visit Saudi – butun dunyodan sayyohlarni Saudiya Arabistonini kashf etishga taklif qiluvchi yetakchi sayyohlik brendi. Brendning vazifasi turizmni rivojlantirish, keng ko‘lamli kampaniyalar orqali mehmonlarni jalb qilish va unutilmas sayohat uchun barcha zarur resurslarni taqdim etishdir. Saudiya Arabistoni – bu haqiqiy Arabiston va dunyodagi eng tez rivojlanayotgan sayyohlik yo‘nalishi.