Suv parvarishning bir qismi sifatida

Suv hayotning asosiy manbai va organizm salomatligi uchun eng muhim elementlardan biridir. Biz uni har kuni ichamiz, lekin ko‘pincha oddiy ichimlik suvi mineral suvdan qanday farq qilishi haqida o‘ylamaymiz. Biroq, ular o‘rtasidagi farq terining xususiyatlari, go‘zalligi va sog‘liq uchun foydasiga sezilarli ta’sir ko‘rsatadi.

Oddiy suv

Oddiy ichimlik suvi tabiiy yoki vodoprovod manbalaridan olingan, filtrlash va ko‘pincha zararsizlantirish bosqichlaridan o‘tgan tozalangan suvdir. U xavfsiz, chanqoqni qondiradi, organizmdagi barcha metabolik jarayonlarda ishtirok etadi, ammo tarkibida ko‘p miqdorda foydali moddalar yo‘q. Bunday suv doimo yaxshi, ammo undan “vau-effekt” kutish kerak emas.

fotо: pexels

Xarakterli suv

Mineral suv tabiatning in’omi bo‘lib, minimal ishlovdan o‘tadi va o‘zining noyob tarkibini saqlab qoladi: tuzlar, mikro va makro elementlar (masalan, kalsiy, magniy, natriy, kaliy). Uning tarkibi yillar davomida shakllanadi, chunki suv tog‘ jinslaridan o‘tib, minerallar bilan to‘yinadi. Shuning uchun ham har bir mineral suv o‘ziga xos va betakrordir.

Bunday suv quyidagicha bo‘lishi mumkin:

• ozuqaviy suv — har kuni iste’mol qilish uchun mos, tarkibida minerallar miqdori yuqori emas;
• shifobaxsh-ozuqaviy suv — tarkibi ancha to‘yingan bo‘lib, uni kurslar bilan ichish mumkin;
• shifobaxsh suv — shifokor tomonidan buyuriladi va dozalangan holda qabul qilinadi.

fotо: Dupe

Ayol organizmi uchun foydasi

Mineral suv tarkibida kalsiy mavjud bo‘lib, u suyak va tirnoqlarni mustahkamlaydi, bu ayniqsa 30 yoshdan oshgan ayollar uchun muhimdir. Magniy stress va uyqusizlikka qarshi kurashishga yordam beradi. Gidrokarbonatlar ovqat hazm qilishni yaxshilaydi va gastritda yordam beradi. Sulfatlar jigar faoliyatini rag‘batlantiradi.

Tarkibi mos keladigan mineral suvni muntazam iste’mol qilish elektrolitlar darajasini qo‘llab-quvvatlashi, moddalar almashinuvini yaxshilashi, detoksga yordam berishi va hatto teri holatiga ijobiy ta’sir ko‘rsatishi mumkin.

fotо: Dupe

Mineral suv tabiiy funksional mahsulot bo‘lgani uchun, yorliqni o‘qish va tarkibi hamda xususiyatlariga e’tibor berish muhimdir. Davolovchi suvni shifokor ko‘rsatmasisiz har kuni ichish tavsiya etilmaydi — bu buyraklarga ortiqcha yuk tushishi yoki suv-tuz muvozanatini buzishi mumkin.

ELLE O‘zbekiston tahririyati suvni kosmetika kabi tanlashni maslahat beradi: tarkibi va ehtiyojlarga qarab. Agar siz katta shaharda yashasangiz, tez-tez safarda bo‘lsangiz va faol mashq qilsangiz, mineral suv, ayniqsa yozda, turmush tarzingizning ajralmas qismiga aylanishi mumkin.