Sviter: Issiqlik tanlovi

Uch narsaga cheksiz tikilish mumkin: suv, olov va zamonaviy sviterga

07 Noy 2024

Yasmina Nazimdjanovadan

Sviter - bu har qanday kombinatsiyaga mos keladigan va o‘ziga xosligini saqlab qoladigan kiyim-kechak elementidir. Ular turli bichimlar, naqshlar va dizaynlarda bo‘ladi. Milandagi 2024-yil kuz-qish mavsumi doirasidagi ko‘rgazmalarda dizaynerlar sviterlarning ko‘plab variantlari va ularning uslublarini namoyish etishdi.

Biz casual uslubiga e’tibor qaratamiz: moda uylari bizga minimalistik va ixcham sviterlarga e’tibor qaratishni taklif qiladi, ular asosiy kundalik ko‘rinishning bir qismiga aylanadi. Yumaloq yoki uchburchak yoqali modellarni taqinchoqlar bilan to‘ldirish mumkin, bu esa obrazga tugallik bag‘ishlaydi.

Foto: SPOTLIGHT / Fendi

Oversize sviter modellari ham o‘z pozitsiyalarini topshirishni xohlamaydiganlarni jalb qiladi. Erkin bichim tufayli bunday variantlar bo‘shashganlik kayfiyatini qo‘shadi va bunday sviter kiygan odamning o‘ziga xos uslubini belgilaydi. Hajmdorligi maksi yoki midi uzunlikdagi yubkalar bilan, shuningdek, ko‘ylak bilan birlashtirishga imkon beradi - bu holatda bel chizig‘ini kamar yoki ingichka belbog‘ bilan ta’kidlash mumkin. Zamonaviy charm shimlar oversize sviterlar bilan muvozanatni saqlaydi, "shikastlangan" to‘qima elementlari esa obrazga o‘ynoqilik baxsh etadi.

Foto: SPOTLIGHT / Zimmermann

Yuqori yoqa sovuq mavsumda ajoyib tanlov bo‘ladi. Bunday variant bo‘yinni issiq saqlaydi va sharf o‘rnini bosadi. Yoqa tik turishi ham, tartibli yoki pala-partish bir necha qavat qilib o‘ralgan bo‘lishi ham mumkin.

Foto: SPOTLIGHT / Givenchy

Angora va jundan to‘qilgan sviterlarga e’tibor bering, tanlov o‘zingizda. Uzun mo‘ynali sviter jinsi yoki klassik shimga hamroh bo‘ladi. Bunday ko‘rinishni chelsi botinkalari yoki qo‘njli etiklar mukammal to‘ldiradi, qulaylik uchun esa past poshnali ugg poyabzalini tanlashingiz mumkin. Palto, palantin yoki puxli kurtka kuz-qish mavsumidagi iliq kiyinishingizning yakunlovchi shtrixiga aylanadi.