ELLE jamoasi
ELLE O’zbekiston jamoasi haqida
O’zbekiston ayollari uchun №1 media platforma jamoasi haqida.
Yangilangan: 7 iyunda ELLE jamoasidan
ELLE ga xush kelibsiz!
ELLE – bu moda, go‘zallik, madaniyat va turmush tarziga o‘ziga xos yondashuvi bilan mashhur bo’lgan xalqaro brenddir. Bizning vazifamiz – sizning o’ziga xosligingizni ta’kidlaydigan va o’zingizga, qobiliyatlaringizga va uslubingizga ishonishingizni oshirishda yordam beradigan ilhom va foydali maslahatlarni siz bilan baham ko’rishdir.
Biz siz uchun hattoki eng kichik tafsilotlargacha o’ylab chiqilgan, manfaatlar bilan qiziqishlar bir joyda jamlangan, yuqori moda tendensiyalari kundalik hayotga osongina moslashtirilgan o’zingizni erkin va ishonchli his qila oladigan kontent yaratishga intilamiz
Muhabbat va ehtirom ila,
BIZNING VAZIFAMIZ
ELLE O’zbekiston – o‘zbek tilida gapirishni boshlagan birinchi ayollar uchun xalqaro brend hisoblanadi. Modaga e’tibor qaratgan holda, biz zamonaviy jamiyatni aks ettiramiz, mushtariylarimizni tendentsiyalar, go’zallik, turmush tarzi va madaniyatga yo’naltiramiz va ilhomlantiramiz.
Biz global ilhomni jalb qilamiz, eng yaxshi jahon amaliyotlariga e’tibor qaratamiz va ularni mahalliy bozorga moslashtiramiz. ELLE O‘zbekiston jamoasi O‘zbekiston ayollarini ilhomlantirish, mahalliy iste’dodlarni izlash va rivojlantirish hamda sifatli jurnalistika g’oyasini targ‘ib qilishga intiladi.
JAMOA
Oleg Drobot
CEO ELLE Oʻzbekiston
Multipreneur, moda va musiqa sohasidagi iste’dodlar ustozi, xayriyachi. O’z iste’dodiga ishonish muvaffaqiyatli karyera kaliti deb hisoblaydi. Va uning shiori bu aynan hozir o’zingizni maksimal darajada anglashingiz mumkin bo’lgan vaqtdir.
Natasha Kasatkina
PUBLISHER, FASHION DIRECTOR
Moda olami mutaxassisi, Talent Management Company – Gemina.Corp asoschisi, xalqaro brendlar bilan ishlashda ko’p yillik tajribaga ega professional model. O’zining shaxsiy misolida kumirlar yaratishingiz emas, balki o’zingizni ustingizda ishlash qanchalik muhim ekanligini ko’rsatib kelmoqda.
Ana Varava
INTERNATIONAL BRAND SUPERVISOR
Moda va ommaviy axborot vositalari sohasida 17 yildan ortiq professional malakaga ega. 24 yoshida u butunjahon xalqaro moda nashriyotiningning eng yosh bosh muharririga aylandi. U st, moda marketingi va moda biznesi sohalarida tahsil olgan.
Polina Agliamova
EDITOR-IN-CHIEF
Polinaning vazifalari butun tahririyat jamoasini hamda raqamli va bosma formatlarda chop etiladigan kontentni boshqarish, shuningdek, barcha materiallarimiz sifatini oshirish kabi vazifalarni qamrab oladi. Toshkentda hammani biladi desak mubolag’a bo’lmaydi.
Olga Shavrina
COO ELLE O’ZBEKISTON
Kompaniya direktori sifatida Olga uning rivojlanishi, ijodiy bo’linmalar birdamligi va biznesning barcha muammolariga yechim topish uchun javobgardir. Ilgari u dekor bo’yicha ko’rgazmalar o’tkazgan bo’lsa, hozirda u antiqa buyumlar yig’moqda.
Janna Varnavskaya
STYLE DIRECTOR
Janna odamlarni, ularning o’zaro munosabatlarini va qiziqishlarini kuzatishni yaxshi ko’radi. Uslubiy Direktor/Stil-direktor o’laroq ajoyib didga ega va urflar va yangi trendlarni his qila oladi.
Veronika Varvianska
ART DIRECTOR
Veronika ELLE Oʻzbekistonning barcha ko’rgazmali/vizual va gʻoyaviy mazmuni uchun javobgar shaxsdir. U dizayn, brending va jamoani boshqarishda katta tajribaga ega. U hozirda bir vaqtning o’zida ikki mamlakatda yashab kelmoqda: Ukrainada va Londonda.
Anastasiia Bondarevska
MARKETING DIRECTOR
ELLE Oʻzbekistonning marketing bo’yicha direktori sifatida Anastasiya brendning barcha strategiya, tahlil va aloqalarini nazorat qiladi. Ishdan tashqari uni kichik mahalliy qahvaxonalarda qo’lida telefon va it bilan ko’rib qolsangiz ajab emas.
Elena Grebenyuk
FINANCE DIRECTOR
Elena byudjetni rejalashtirish va biznesni rivojlantirish bilan shug’ullanadi. Butun ELLE Oʻzbekiston jamoasi bilan doimo aloqada bo’ladigan inson. Excelda murakkab shakllarni yaratish uning uchun maroqli hordiq hisoblanadi, qandolatchilik bilan esa o’zgacha ishtiyoq bilan shug’ullanadi
Yuliya Elmuradova
PR DIRECTOR
U Sharqshunoslik institutini tamomlagan va o‘z faoliyatini O‘zbekistondagi PR agentliklaridan birida boshlagan. 5 yil mobaynida u amaliyotchi lavozimidan biznesni rivojlantirish bo’yicha direktor darajasiga ko’tarildi. Strategik va inqirozga qarshi kommunikatsiyalar sohasida tajribaga ega. U o’zining fikrlarida ham tahliliy, ham ijodiy uslubni uyg’unlashtira oladi.
Diyora Azamova
KEY ACCOUNT MANAGER
Diyora har qanday odamning ko’ngliga yo’l topa oladi, chunki muloqot uning eng kuchli tomonidir. U hamkorlik aloqalarini o’rnatish va ELLE Oʻzbekiston brendini rivojlantirish ustida ish olib boradi. Agar siz uni ko’chada uchratsangiz, katta ehtimol bilan u qora rangda kiyingan bo’ladi
Irina Perova
FASHION EDITOR
Irina ushbu sohada to’rt yildan oshiq vaqt mobaynida ishlab kelmoqda. Uning modaga bo’lgan qiziqishi butun faoliyati davomida namoyon bo’ldi. Irinianing har doim yurak amriga ergashishga bo’lgan asosiy shiori uni ELLE Oʻzbekiston jamoasiga yetakladi.
Olga Fedorovskaya
BEAUTY EDITOR
Olga moda nashrlari, «Go’zallik» va «Hayot tarzi» bo’limlari muharrirligi bo’yicha o’n yillik tajribaga ega. Bundan tashqari, u muvaffaqiyatli tadbirkor juftliklarning hikoyalari bilan o’rtoqlashuvchi «Oilaviy biznes» loyihasini yaratdi. Olga har doim trendlarni oldindan seza oladi.
Gulsanam Xalmurаdova
CULTURE EDITOR
Gulsanam “Madaniyat” bo‘limi muharriri, ko‘pchilikni Sharq madaniyatiga mehr qo‘yishiga sabachi bo’lgan san’atshunos. Bundan tashqari u – besh farzand onasi, bo’sh vaqtlarida kitob va videolarga ovoz berish va xorda ashula kuylashni yaxshi ko’radi.
Rushana Mamadalieva
SOCIETY EDITOR
Rushana “Jamiyat” boʻlimi muharriri boʻlib, bu bo’limda Oʻzbekiston uchun muhim va havotirga soluvchi mavzularni koʻtaradi, qiziqarli voqealar va shaxslar haqidagi ma’lumotlar bilan oʻrtoqlashadi. Bundan tashqari, u o’zining kiyim-kechak brendi ustida ishlab kelmoqda. Shaharning yarmini biladigan introvert.
Shodiya Hamidullayeva
LIFESTYLE EDITOR
Shodiya zamonaviy tendentsiyalar, qiziqarli layfhaklar va maslahatlarni yoritish bilan birga, «Hayot tarzi» bo’limi mushtariylarini qiziqtiradigan jabhalarni juda yaxshi biladi. Uning ish kuni bir finjon qahvasiz boshlanmaydi .
NEGA AYNAN ELLE?
ELLE – bu yosh yoki status emas, aksincha fikrlash uslubidir. Biz atrofimizga iqtidorli, aqlli va zamonaviy ayollarni to’playmiz hamda ularni yanada rivojlanishga undaymiz va buni amalga oshirish uchun ilhom va kuch topishda yordam beramiz.
ELLE qisman reklama orqali qo’llab-quvvatlansa-da, bizning kontentimiz mustaqil ravishda yaratiladi va jurnalistika standartlariga to’liq javob beradi.
ELLEDA KARYERA
Bizning jamoamiz har doim turli sohalarda: marketing, savdo, ishga jalb qilish bo’yicha mutaxassislardan boshlab mualliflar, fotosuratchilar, rejissyorlar va videograferlargacha bo’lgan yangi iste’dodlarni qidiradi.
Agar siz ELLE O‘zbekistonning bir qismiga aylanishni xohlasangiz rezyume, portfolio yoki eng sara ishlaringizning namunalarini quyidagi elektron pochta orqali yuboring: